| e-texts navigator |
| Wylie |
117a1 དབྱིངས་ལ་མནལ་ལོ།། རྒྱུད་ཀྱི་དོན་བསྡུས་པ་དེ་དེ་དག་ནི་རིན་པོ་ཆེན་པོ་གསེར་གྱི་གླེགས་བམ་ལ་བཻ་ཌཱུརྱ་ཞུན་མས་བྲིས་ནས། སྐུ་གསུང་ཐུགས་ཀྱི་སྤྲུལ་པ་གསུམ་གྱིས།། སྲིད་པ་གསུམ་དུ་ཆོས་ཀྱི་ཆར
117a2 མངོན་པར་བབ་པས། ལྷ་དང་ཀླུ་དང་མིའི་རྣལ་འབྱོར་རྣམས། ཚོམ་བུའི་ལས་ལ་མ་ཆགས་པར་རིག་འཛིན་བྱང་ཆུབ་ཀྱིས་བླངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། རྒྱུད་ཡོངས་སུ་བཟུང་ཞིང་གཏད་པའི
117a3 ལེའུ་སྟེ་བཞི་བཅུ་རྩ་བཞི་པའོ།། །། རྡོ་རྗེ་ཕུར་པ་གསང་བའི་རྒྱུད་ཆེན་པོ་རྫོགས་སོ།། །། @#།། རྒྱ་གར་སྐད་དུ། ཀི་ལ་ཡ་གུ་ཧྱ་ཨཱ་ཤ་ཡ་མ་ཧཱ་ཏནྟྲ། བོད་སྐད་དུ། ཕུར་པ་གསང་བའི
117a4 དགོངས་རྒྱུད་ཆེན་པོ། བཅོམ་ལྡན་འདས་རིགས་ལྔ་བདེ་བར་གཤེགས་པ་ཐམས་ཅད་ཀྱི་སྲས་འཇིགས་བྱེད་ཆེན་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཁྲོ་བོ་འཇིགས
117a5 བྱེད་ཀྱི་རྒྱལ་པོ་བཛྲ་ཀཱི་ལ་ཡ་དྲག་པོ་མཐིང་ནག་འབར་བའི་ནང་ནས་བཞེངས་ནས། གདུག་པ་ཅན་ཐམས་ཅད་འདུལ་བ་དང་། དྲེགས་པ་ཅན་དང་། སངས་རྒྱས་ཀྱི་བསྟན་པ་ལ་གནོད་པར་བྱེད་པ་ཐམས་ཅད་ཚར
117a6 གཅད་པའི་ཕྱིར་རབ་ཏུ་དྲག་པོ་མི་གཡོ་བའི་ཏིང་ངེ་འཛིན་ལ་སྙོམས་པར་བཞུགས་ནས། ཆོས་ཉིད་ཞི་བས་འདུལ་བའི་སྐབས་ལ་མ་བབ་སྟེ། ཐབས་མཁས་པའི་སྐུ་དྲག་པོའི་ཕྲིན་ལས་ཀྱིས་འདུལ་བར་གཟིགས་ནས། སྐུ
iiif viewer powered by OpenSeadragon
