| e-texts navigator |
| Wylie |
116a1 ཧོ། བདེ་བར་གཤེགས་པ་བཅོམ་ལྡན་འདས། ཕྱི་རབས་རྣལ་འབྱོར་དོན་གྱི་ཕྱིར། རྡོ་རྗེ་གསང་བ་ཆེན་པོའི་རྒྱུད་ཀྱི་དོན་ཉིད་རབ་བསྡུས་ནས། གནས་ཤིང་རྟོགས་པར་ཇི་ལྟར་བགྱི། ཞེས་གསོལ་པས།
116a2 འདིའི་བར་ཚིག་དམ་སྙམ། ཞེས་བཀའ་སྩལ་པ།། རྡོ་རྗེ་འདུས་པས་བརྒྱད་ཁྲི་བཞི་སྟོང་སྒོ་མོ་དང་། ཡན་ལག་བཅུ་གཉིས་སྡེ་སྣོད་དང་། བསྡུས་པའི་སྡེ་སྣོད་རྣམ་པ་གསུམ་དང་། ཐེག་པའི་བྱེ་བྲག་བསྟན་པ་ཡང་། བཀྲི
116a3 བའི་དོན་དུ་བསྟན་པ་སྟེ། ངེས་དོན་བསྡུས་པ་རྡོ་རྗེ་གསང་བའི་རྒྱུད་འདི་ཉིད། ཁྱོད་ལ་སོགས་དང་ད་ལྟར་ཕྱིས་འབྱུང་ཡང་། ལྷ་སྤྱོད་སྒྲུབ་དང་ཕྲིན་ལས་དཀྱིལ་འཁོར་དབང་དང་དམ་ཚིག་ཏིང་འཛིན་རྣམས། རྡོ་རྗེ་གསང
116a4 བའི་རྒྱུད་ལས་གསལ་བས་ན།། ལམ་གྱི་ནང་ན་ཉེ་ལམ་དང་པོ་སྟེ།། རྡོ་རྗེ་འདུས་པ་ཁྱོད་ལ་གཏད།། གསང་བའི་རྒྱུད་འདི་ནུབ་པར་གྱུར་ཏ་རེ། ཞེས་གསུངས་སོ།། དེ་ནས་རྡོ་རྗེ་འདུས་པ། ཤིན་ཏུ་ཡང་དགའ་བའི་ཡིད
116a5 གཡོས་ནས། རང་གི་གསང་བའི་རྡོ་རྗེ་གནས་སུ་གསོར་ཞིང་། འདི་སྐད་ཅེས་དམ་བཅས་སོ།། ཨེ་མ་ཧོ། བདེ་གཤེགས་ཀུན་གྱི་གཙོ། ཀུན་གྱི་དོན་བསྡུས་ཏེ་རྡོ་རྗེ་གསང་བ་རྒྱུད་འདི་ལ། བདག་ལ་སོགས་པས་ད
116a6 ལྟ་ཕྱིས་སྤྱོད་པས། ལམ་གྱི་ནང་ན་ཉེ་ལམ་དམ་པ་བགྱིས་ཏེ། གང་དག་བལྟ་བ་ལ་དང་བས་རྒྱུད་འདིའི་བལྟ་བའི་ལམ་ལ་བལྟ་བར་བགྱིའོ།། གང་དག་སྤྱོད་པ་ལ་དགའ་བས། རྒྱུད་འདི་ཉིད་ཀྱི་སྤྱོད་པའི་ལམ་ལ་མངོན
iiif viewer powered by OpenSeadragon
