| e-texts navigator |
| Wylie |
112b1 ཁ་བཀབ་ནས།། སེང་ལྡེང་མེ་ལ་དྲོས་བསྲོས་ནས།། མཎྜལ་དབུས་སུ་དེ་བཞག་སྟེ།། བདག་གསལ་ཆགས་པའི་དབང་ཅན་བསམ།། དགུག་བསྟིམ་མཉེས་ནས་བསྙེན་པ་བྱ།། ཨོཾ་བཛྲ་ཀཱི་ལི་ཀཱི་ལ་ཡ་མ་ཧཱ་རཀྟ་རཱ་ག་ས་མ
112b2 ཡ་པཱུ་ཛ་ཧཱུཾ་ཕཊ། ཅེས་ནི་འབུམ་མམ་བྱེ་བ་བཟླས། མངོན་དུ་ཁོལ་ལམ་རླངས་པ་ཕྱུར།། ཡང་ན་ལུད་དམ་འཕགས་གས་ནས།། ལྷ་ལ་མཆོད་དེ་བདག་ཉིད་བཏུང་།། ཆགས་པ་སྐྱེས་ཀྱིན་མདངས་ཀྱང་དམར།། ཁམས
112b3 གསུམ་མོ་ཡིས་པདྨའི་མདངས།། ཆགས་སྐྱེས་ནས་ནི་འབུལ་དུ་འོང་།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས། བྱུག་བརྡེག་བདུག་པའི་རྫས་བསྒྲུབ་པའི་ལེའུ་སྟེ་བཞི་བཅུ་གཉིས
112b4 པའོ།། །། དེ་ནས་ཡང་རྡོ་རྗེ་འདུས་པས། འདི་སྐད་ཅེས་གསོལ་ཏོ། ཀྱེ་མ་ཧོ།། བདེ་གཤེགས་བཅོམ་ལྡན་འདས། རྡོ་རྗེ་ཕུར་པ་གསང་བའི་རྒྱུད་འདི་ཉིད་བདག་ཅག་ལ་སོགས་པ་ཇི་ལྟར་གནས་པར་བགྱི། དེ་ལ
112b5 རྣལ་འབྱོར་དུ་བགྱི་བའི་གང་ཟག་དམ་པ་དེ་ལ་ཇི་ལྟར་བལྟ་བར་བགྱི།། མ་དད་ཅིང་སྐུར་བའི་ཉེས་པ་ནི་གང་། སྔར་འདས་པའི་སངས་རྒྱས་ནི་གང་།། གང་གི་རིང་ལ་བཤད། དེ་ལྟར་གྱི་བསྟན་པ་འདི་ཉིད་ལ། སྲིད་པ
112b6 གསུམ་ལ་དད་པ་ཅན་གང་གི་རིང་ལ་དར་བར་འགྱུར། ཕྱིའི་དུས་ན་སངས་རྒྱས་གང་གི་རིང་ལ་སྟོན་པར་འགྱུར།། བདེ་བར་གཤེགས་པས་ལུང་བསྟན་ཅིང་བཤད་དུ་གསོལ།། བཀའ་སྩལ་པ་ནི། རྡོ་རྗེ་འདུས་པའི་རྒྱལ
iiif viewer powered by OpenSeadragon
