| e-texts navigator |
| Wylie |
112a1 གཟུངས་ཐག་གདགས།། བདག་གཙོ་ལྷ་མོ་པེ་ཏ་ལི།། བསམ་གཏན་གསལ་བར་རབ་ཞུགས་ཏེ།། པེ་ཏ་དྲག་མོ་འཁོར་ལོ་ཅན།། ཉི་མ་ཧཱུཾ་དང་ལྡན་པ་ལ།། སྤྱན་དྲང་བསྟིམས་མཆོད་རིམ་པར་བྱ།། དེ་ནས
112a2 བསྙེན་པ་འདི་བཟླས་ཏེ།། མ་གྲུབ་པར་དུ་རྒྱུན་མི་གཅད།། ཨོཾ་བཛྲ་ཀཱི་ལི་ཀཱི་ཡ་ལ་དྷཱ་པེ་པེ་ཏཱ་ལི་མ་གུ་ལ་རྟ་ལ་རྟ་ལ་པྲ་རྟ་ལ་ཧཱུཾ་ཕཊ། དལ་མེད་རྒྱུན་དུ་བཟླས་པར་བྱ།། ཏིང་འཛིན་འདྲིས་ཤིང་འཕྲོ་འདུ་གསལ་བ
112a3 དང་།། འོད་དང་དྲི་དང་དུ་བ་འབྱུང་།། ཡང་ན་གྲོད་དྲོད་ཆ་གཟུང་སྟེ།། རྟགས་བྱུང་ནས་ནི་ངེས་བསམ་སྟེ།། ལྷ་མཆོད་དེ་ཐིག་ལེ་བྱ།། དེས་ནི་གཟི་བྱིན་ཐོབ་པར་བྱེད།། ལུས་ལ་བཅངས་ན་གདོན་བགེགས
112a4 འཇོམས།། དུད་བཏང་དགྲ་ལ་བདུག་གྱུར་ན།། ལྷ་དང་རྒྱབ་བརྟེན་འབྲལ་བར་འགྱུར།། རྟགས་རྣམས་མངོན་དུ་བྱུང་ནས་ནི།། རུལ་དང་སུམས་དང་མ་བམ་པར།། རི་ལུ་བྱས་ཏེ་རྣལ་འབྱོར་བཅད།། གུ་གུལ་སྦྱར་བའི
112a5 རྫས་སུ་གསུངས།། རཀྟ་སྒྲུབ་པར་འདོད་པ་ཡིས།། ཆུ་གླིང་གནས་སུ་འདུག་ནས་ནི།། མཎྜལ་དམར་པོ་ཟླ་གམ་བྱ།། དགུན་ཟླ་ར་བའི་ཉ་ལ་འཇུག། པདྨ་ཅན་གྱི་བྷན་དྷ་རུ།། གཞིའི་རཀྟ་དང་། རིགས་ཀྱི་རཀྟ་དང་།།
112a6 སྒྲོལ་བའི་རཀྟ་དང་། མེ་ཏོག་གི་རཀྟ་ལྔ་དང་། རྩིའི་རཀྟ་ལྔ་དང་། འབྲས་བུའི་རཀྟ་ལྔ་དང་། ཤིང་གི་རཀྟ་ལྔ་དང་། ཆུ་ཡི་རཀྟ་ལྔ་དང་། རཀྟ་སུམ་ཅུ་སོ་གསུམ་བསོག། དེ་ལ་སྦྱོར་བའི་རཀྟས་བྲན། ལེ་བརྒན་དར་གྱིས
iiif viewer powered by OpenSeadragon
