| e-texts navigator |
| Wylie |
10b1 དག། མཚན་གྱི་མེ་ཏོག་དཔེ་བྱད་འབྲུ་ཆགས་ཏེ།། སྐུ་མཆོག་ཕྱག་རྒྱའི་དཀྱིལ་འཁོར་བསམ་མི་ཁྱབ།། ཅེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།། སྐུ་གསུང་ཐུགས་ཕྱག་རྒྱའི་དཀྱིལ་འཁོར་སྤྲོས
10b2 པའི་ལེའུ་སྟེ་གསུམ་པའོ།། །། དེ་ནས་རྡོ་རྗེ་འཛིན་པས་འདི་སྐད་ཅེས་གསོལ་ཏོ།། ཀྱེ་མ་གསང་བ་མཆོག་གི་བདག། དེ་ལྟར་བསྟན་པའི་དཀྱིལ་འཁོར་དེའི།། བྱུང་ཁུངས་དངོས་གཞི་ལས་དང་ཡོན་ཏན
10b3 གང་།། བདེ་བར་གཤེགས་པས་བསྟན་དུ་གསོལ།། ཞེས་གསོལ་པས། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་རྡོ་རྗེ་འཛིན་རྒྱལ་པོ།། ཆོས་སྐུ་ནམ་མཁའི་ངང་ལས་མ་གཡོས་ཀྱང་།། མེ་ལེང་ཡེ་ཤེས་ངང
10b4 ལས་ཐུགས་མཆོག་ཚུལ་འཛིན་ཅིང་།། བདེ་བའི་ཡེ་ཤེས་ལྔ་དོན་ཐུགས་ཆུད་པའི།། རྣམ་ཤེས་བག་ཆགས་སྦྱང་མཛད་རྡོ་རྗེ་འཛིན་པ་ཁྱོད་ཉིད་སྐུ།། ཆོས་སྐུ་ནམ་མཁའི་ངང་ལས་མ་གཡོས་ཀྱང་།། སྟོང་ཉིད་ངང་ལས
10b5 སྐུ་མཆོག་ཚུལ་འཛིན་ཅིང་།། བདེ་བ་ཆོས་ཀྱི་འཁོར་ལོ་བསྐོར་མཛད་དེ།། གཟུགས་ཀྱི་མཚན་མ་སྦྱང་མཛད་འཁོར་ལོས་སྒྱུར་རྒྱལ་པོ།། ཆོས་སྐུ་ནམ་མཁའི་ངང་ལས་མ་གཡོས་ཀྱང་།། མཉམ་ཉིད་ཡེ་ཤེས་དང་ལས
10b6 ཡོན་ཏན་ཚུལ་དུ་བསྟན།། རིན་ཆེན་དབྱིག་ལྟར་དགོས་འདོད་རེ་སྐོང་བ།། ཚོར་བ་གནས་སུ་དག་མཛད་རིན་ཆེན་མཛེས་པའི་སྐུ།། ཆོས་སྐུ་ནམ་མཁའི་ངང་ལས་མ་གཡོས་ཀྱང་།། སོ་སོར་རྟོག་པའི་ཡེ་ཤེས་ངང་ལས
iiif viewer powered by OpenSeadragon
