| e-texts navigator |
| Wylie |
109a1 གྱི་ལྡ་ལྡི་དང་།། བྲོ་གར་གླུ་ཚོགས་ལ་སོགས་དང་།། འབུད་དང་བརྡུང་དང་གསིལ་དཀྲོལ་བརྡབ་པ་དང་།། སྡུག་མཛེས་མི་སྡུག་འཇིགས་པའི་བྱེ་བྲག་རྣམས།། ཐ་དད་སྣ་ཚོགས་དབུལ་བ་ཡང་།། ནམ
109a2 མཁའ་སྐྱེ་བ་མེད་པ་ལས།། མཚན་མའི་ཆོ་འཕྲུལ་འབྱུང་བ་ཡང་།། ཕུལ་བས་ཆོས་ཉིད་ངང་ལ་བཞེས།། རོལ་མོ་གཡེང་བའི་རྒྱུ་ཡིན་ཏེ།། མི་གཡེང་ཆོས་ཉིད་གླུར་གྱུར་ཡང་།། རོལ་མོའི་དེ་ཉིད་དོན་དམ་རྟོགས་པའོ།། དེ
109a3 ཉིད་བཅུ་ཡི་དོན་དམ་གང་རྟོགས་པ།། རྣལ་འབྱོར་དེ་ནི་ཤེས་རབ་ཅན།། མི་ཞེས་བྱ་བ་བདེར་གཤེགས་ཡིན།། ཞེས་གསུངས་སོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།། དེ་ཁོ་ན་ཉིད་བཅུའི་རིམ་པ་བསྟན་པའི
109a4 ལེའུ་སྟེ་བཞི་བཅུ་ཐམ་པའོ།། །། དེ་ནས་ཡང་རྡོ་རྗེ་འདུས་པས་འདི་སྐད་ཅེས་གསོལ་ཏོ།། དམ་ཆོས་གཞུང་སྤྱོད་རྣལ་འབྱོར་ལ།། བར་ཆད་སྐྲ་དགྲ་བྱུང་གྱུར་ན།། གཞན་ཉིད་སྐྲག་པར་བྱ་བའི་ཕྱིར།། ཐོག་དང
109a5 སེར་བ་དབབ་པ་དང་།། མི་ནད་ཕྱུགས་ནད་རྒྱུན་མི་འཆད་པར་བཏང་བ་དང་།། སྨྱོ་བ་དང་ནི་འབོག་པ་དང་།། མྱོས་པ་དང་ནི་རྒྱུག་པ་དང་།། འཐབ་ཏུ་གཞུག་དང་བསྐྲད་འགྱུར་ན།། ཐབས་དང་རིམ་པ་ཇི་ལྟར
109a6 ལགས།། དཔའ་བོ་ཁྱོད་ཀྱིས་བཤད་དུ་གསོལ།། ཞེས་གསོལ་པས། གསོལ་བ་ཐུགས་སུ་ཆུད་ནས། གཞན་སྐྲག་པར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་བཀའ་སྩལ་ཏོ།། དེ
iiif viewer powered by OpenSeadragon
