| e-texts navigator |
| Wylie |
108b1 དེ་ཉིད་བསྟན་པ་ནི།། འཁར་བ་དང་ནི་ལྗོན་དམར་ལ།། དྲིལ་བུ་ཚང་དང་ལྡན་པར་བྱ།། རྣལ་འབྱོར་ངེས་པའི་བློ་ཅན་གྱིས།། དེ་ཉིད་ཤེས་རབ་རིག་པའི་གཞལ་ཡས་ཁང་།། རྣལ་འབྱོར་ཁྲོ་མོའི་དཀྱིལ་འཁོར་དགོད།། ལྟེ
108b2 བ་ཟླུམ་པོ་འཁོར་ལོ་རྒྱས་འདེབས་མ།། རྭ་ལྔ་རྒྱས་འདེབས་ཡུམ་ལྔ་སྟེ།། ལུང་ནི་བྷ་གའི་མཚན་ཉིད་ཡིན། སྤྱི་ཡི་རྩེ་དང་ལྕེ་ལ་ནི།། སྟེང་འོག་ཁྲོ་མོ་རྣམ་པར་བསམ།། པདྨ་འདབ་མ་བརྒྱད་པོ་ལ།། ཕྱོགས་མཚམས་ཁྲོ་མོ
108b3 རྣམ་པར་བསམས།། རང་བཞིན་ཤེས་རབ་ཁྲོ་ཚོགས་རྣམས།། རྡོ་རྗེ་དབྱུག་སྐྱུགས་པས་སྤྱན་དྲངས་ནས།། ཤེས་རབ་མ་ལ་བསྟིམ་མཆོད་བསྒྲུབ།། དེ་ཡི་སྒྲ་བསྒྲགས་དུས་གསུམ་རྒྱལ་བ་མཉེས།། འཁོར་བའི་སྒྲིབ་པ་དག
108b4 པར་འགྱུར།། ཧཱུཾ། ཤེས་རབ་ཆེན་པོའི་རང་བཞིན་དེ།། ཆོས་ཉིད་སྟོང་པ་ཆེན་པོའི་སྒྲས།། འཁོར་བའི་བག་ཆགས་ཟིལ་གྱིས་གནོན།། དུས་གསུམ་རྒྱལ་བ་ཀུན་ཀྱང་མཉེས།། དྲིལ་བུའི་དེ་ཉིད་མཆོག་ཏུ་བཤད།། མཆོད
108b5 རྫས་དེ་ཉིད་བསྟན་པ་ན།། ཕྱི་ནང་གསང་བའི་མཆོད་རྫས་གང་ལ་ཡང་།། དབུལ་གནས་འབུལ་བྱེད་དབུལ་བའི་རྫས།། ཕུལ་བས་སྒྲིབ་པ་གང་དག་འབྲས་བུ་གང་ཐོབ་དང་།། སྔགས་དང་ཕྱག་རྒྱ་ཏིང་འཛིན་དང་།། འདི
108b6 བརྒྱད་ལྡན་པ་མཆོད་པའི་དེ་ཉིད་དོན།། མཆོད་པ་དེ་ཉིད་དོན་ལ་བརྩོན་པས་འབད་པར་བྱའོ།། རོལ་མོའི་དེ་ཉིད་བསྟན་པ་ནི།། རྩེ་འཇོ་བྱེད་སྤྱོད་ལ་སོགས་དང་།། བླ་རེ་རྒྱལ་མཚན་འཕན་གདུགས་དང་།། བ་དན་དར
iiif viewer powered by OpenSeadragon
