| e-texts navigator |
| Wylie |
106b1 པོ་ལ།། རང་བྱུང་ཡེ་ཤེས་འཁོར་གྱིས་བརྒྱན།། དམིགས་པར་གསལ་ཡང་དམིགས་མེད་པ།། རང་བཞིན་དོན་དམ་དཀྱིལ་འཁོར་རོ།། ཆོས་ཉིད་སྐྱེ་བ་མེད་པ་ལས།། ཁྲོ་བོའི་བསམ་པ་དྲང་དོན་དུ།། འགག་པ་མེད་པའི
106b2 ཕྱག་རྒྱ་བཞེངས།། བདེ་གཤེགས་བཞུགས་ཕྱག་མཆོད་སྒྲུབ་པ།། རང་བཞིན་དོན་དམ་དཀྱིལ་འཁོར་དེ།། རང་བཞིན་དོན་གྱིས་གནས་པ་ཡིན།། འདི་ནི་དཀྱིལ་འཁོར་འདི་ཉིད་དོ།། མཎྜལ་དེ་ཉིད་བརྟག་པ་ནི།། དགེ
106b3 དོན་མཎྜལ་རྩོམ་པ་བརྩོན་འགྲུས་ཏེ།། འབུ་སྲིན་སེམས་ཅན་བསལ་བ་བཟོད་པའི་མཆོག། ག་དར་བྱི་དོར་བྱང་ཆུབ་ཚུལ་ཁྲིམས་དེ།། སྨན་དང་དྲི་ཡི་སྐྱང་ནུལ་སྦྱིན་པ་ཡིན།། མེ་ཏོག་ཕུད་བུ་བཀོད་པ་ཤེས་རབ་བོ།། དེ
106b4 ཉིད་ལྷ་རུ་བསམ་པ་བསམ་གཏན་ཏེ།། སྤྱན་དྲང་བཞུགས་ཕྱག་མཆོད་བསྐོར་ཐབས་སུ་ཤེས།། སྒྲིབ་གཉིས་སྦྱངས་ནས་ཚོགས་གཉིས་རྫོགས་ཏེ་སྟོབས།། དེ་ཡི་འབྲས་བུ་ཐོབ་པ་ཡེ་ཤེས་སོ།། འགྲོ་བའི་དོན་དུ་ཤེས་པ
106b5 སྨོན་ལམ་ཉིད།། མཎྜལ་དོན་གྱིས་ཕ་རོལ་ཕྱིན་པ་རྫོགས་པར་འགྱུར།། དེ་ཕྱིར་མཎྜལ་དེ་ཉིད་དོན་ལ་བརྩོན་པར་འབད།། སྐུ་གཟུགས་ཀྱི་དེ་ཁོ་ན་ཉིད་ནི།། ཟངས་ལྕགས་གསེར་དངུལ་ལ་སོགས་པ།། བཞུ་ནས་ལུགས
106b6 སུ་བླུགས་ཀྱང་རུང་།། དུར་ཁྲོད་ཚོན་རྩི་རྣམ་ལྔ་ཡིས།། ཁང་བུའི་ལོགས་སམ་ཐང་ཀ་ལ།། ཐབས་ལ་མཁས་པས་བྲིས་པའམ།། ར་དང་བ་སོ་ས་རྡོ་ཤིང་།། ཀུན་ལ་འབུར་དུ་བཏད་པ་སྟེ།། མཁན་པོ་གང་ཡང་ཤེས་རབ
iiif viewer powered by OpenSeadragon
