| e-texts navigator |
| Wylie |
103b1 ལ།། བག་ཆགས་ཉོན་མོངས་འགྲན་འཇུག་པ།། རིག་པའི་ཡེ་ཤེས་བསར་ཏེ་ཆོས་དབྱིངས་དང་དུ་གཟིར།། མཐར་ཐུག་དོན་གྱི་གཟིར་བའོ།། དཔལ་ཆེན་འབར་བའི་ཆ་བྱད་ཀྱིས།། འགྲན་སེམས་རཱ་ཏྲ་གཟིར་བ
103b2 ནི།། སྒྲིབ་གཉིས་བྱང་ནས་ཚོགས་གཉིས་རྫོགས།། འདི་ནི་རྟགས་ཀྱིས་གཟིར་བའོ།། རྣལ་འབྱོར་དབང་ཕྱུག་སྒྲུབ་པ་ལ།། འགྲན་སེམས་ཅན་གྱི་དགྲ་དང་བགེགས།། རས་སམ་གྲོ་གའམ་ཤིང་ཤུན་ལ།། མིང་ངམ་ཡང་ན།
103b3 གཟུགས་བྲིས་ལ།། ཁྲག་འཐུང་ཐུགས་རྟགས་ཕུར་པས་གཟིར།། འདི་ནི་རྫས་ཀྱི་གཟིར་བའོ།། བདག་ཉིད་ཏིང་འཛིན་གདེང་ཞུགས་ལ།། འོག་ཏུ་གཞུག་ཅིང་ཀུན་ཏུ་གཟིར།། འདི་ནི་བསམ་སྦྱོར་ཀུན་ཏུ
103b4 གཟིར་བའོ།། གཟིར་བའི་རིམ་པ་འདི་ལྟར་བཤད།། ཅེས་གསུངས་པ། ཕྱི་རབས་ཀྱི་རྣལ་འབྱོར་པས་བདག་གཞན་གྱི་དོན་ལས་བྱེད་པ་ལས་མགོ་མི་རྨོངས་པར་འགྱུར་རོ།། རྡོ་རྗེ་ཕུར་པ་གསང་བའི་རྒྱུད་ཆེན་པོ་ལས།།
103b5 བདག་གཞན་གྱི་དོན་གྱི་ཕྲིན་ལས་རིམ་པར་ཕྱེ་བའི་ལེའུ་སྟེ་སུམ་ཅུ་རྩ་བརྒྱད་པའོ།། །། དེ་ནས་ཡང་རྡོ་རྗེ་འདུས་པའི་རྒྱལ་པོས། འདི་སྐད་ཅེས་གསོལ་ཏོ།། ཨེ་མ་ཧོ་བདེ་གཤེགས་ཏིང་འཛིན་མཆོག་གི་བདག། ས
103b6 ལ་སྤྱོད་པའི་རྣལ་འབྱོར་པས་བཟའ་བཏུང་གོས་རྒྱན་བྱ་བྱེད་དང་།། སྤྱོད་པ་འགྲོ་ཉལ་འདུག་ལྡང་བའི།། རྒྱུན་ཏུ་ཏིང་འཛིན་ཇི་ལྟར་ལགས།། ཏིང་འཛིན་མཆོག་གིས་བཤད་དུ་གསོལ།། ཞེས་གསོལ་པ་དང་། དེ་ནས
iiif viewer powered by OpenSeadragon
