| e-texts navigator |
| Wylie |
103a1 ཤ་ལྤགས་འདོད་ཕྱིར་བཟློག་པ་བྱེད།། དམན་མཆོག་མཐུ་བྱིན་ཀུན་ཀྱང་ངས་བཟློག་ན།། འཇིག་རྟེན་རྐྱེན་དབང་ཅན་དག་སྨོས་ཅི་དགོས།། དེ་སྐད་ཟེར་ཞིང་བཟློག་པའི་ལས་བྱེད་ན།། མི་བཟློག་རང
103a2 གིས་གཤེད་མར་འོང་སྟེ་འཁོར་བའི་རྒྱུ།། བཟློག་པའི་རིམ་པ་འདི་ལྟར་བཤད།། གནོད་བྱེད་ས་ལ་གནན་པ་ནི།། དོན་དམ་སེམས་ལ་གནོད་པ་ནི།། ཀུན་གཞི་རྣམ་པར་ཤེས་པ་ལ།། བག་ཆགས་གྲངས་རིམ་བཞི་གནས
103a3 པ།། ཕུང་པོ་ལ་གནས་ཚོགས་དྲུག་ཡུལ་མ་བཏང་བར།། བག་ཆགས་ཐམས་ཅད་མནན་ཏེ་ཀུན་གཞི་ངོ་བོར་གནས།། དེས་ནི་དོན་ཉིད་དོན་མཐོང་སྟེ།། དོན་དམ་བདེན་པའི་མནན་པའོ།། གནས་དང་དཀྱིལ་འཁོར་རྫས
103a4 དང་ཆོ་ག་ཐབས།། ཏིང་འཛིན་སྔགས་དང་ཕྱག་རྒྱས་བྱིན་བརླབས་ཏེ།། འགོག་བྱེད་བགེགས་རྣམས་གནན་བྱས་ན།། སྤོགས་པའི་ཐབས་མེད་དེ་ལ་ཐར་དུས་མེད།། ཀུན་རྫོབ་བདེན་པའི་གཞུང་དུ་མནན་པའོ།། དཀོན
103a5 མཆོག་བདེན་པའི་བཀའ་ལ་མི་བདེན་པར།། འཇིག་རྟེན་འདི་ཡི་དྲག་པོའི་དབང་བཟུང་ནས།། མཐུ་ཆེན་དྲེགས་པའི་ལྷ་ཀླུའི་གནས་རྣམས་སུ།། དེ་མཆོད་དེ་ལ་ལས་ཀྱི་མཐུ་ལྟོས་ཤིང་།། དེ་ལ་ལྷར་གསོལ་དགྲ་བགེགས
103a6 གནོད་བྱེད་པ།། དེ་ནི་འཇིག་རྟེན་ལོག་པའི་མནན་པ་སྟེ།། ཆོས་འགལ་ཡ་གའི་གཞི་སྟེ་དེ་མི་བྱ།། གནན་པའི་རིམ་པ་འདི་ལྟར་བཤད།། འགྲན་སེམས་ཅན་ལ་གཟིར་བ་ནི།། ཆོས་དབྱིངས་ཡེ་ཤེས་ཡེ་ནས་གནས་པ
iiif viewer powered by OpenSeadragon
