| e-texts navigator |
| Wylie |
100b1 གི་ཚུལ་དུ་སྦྱིན་བསྲེག་བྱ།། ཟངས་ཕྱེ་འབྲས་ཆན་དམར་པོ་ལ།། གཏོར་མ་བྱས་ཏེ་དབང་དུ་བསྡུས།། ཡ་ཡི་ཚོགས་ཀྱི་དཀྱིལ་འཁོར་དུ།། འདོད་ཆགས་ལས་ཀྱིས་འཆེལ་བ་རྣམས།། དབང་དུ་གྱུར་པས་དབྱིངས་སུ
100b2 རོལ།། འདི་ནི་དབང་གི་ལས་སུ་བཤད།། འཇིག་རྟེན་ཁམས་ནི་རབ་འབྱམས་ན།། ཤིན་ཏུ་གདུག་པའི་སེམས་ཅན་ལ།། དྲག་ཤུལ་སྤྱོད་པས་ལས་བྱ་སྟེ།། རྐང་གཅིག་ཤིང་ངམ་དུར་ཁྲོད་དུ།། རིགས་ངན་སྨེ་ཤ་མེས་རེག
100b3 གཟུང་།། ལས་རབ་འདུས་པའི་བསམ་སྦྱོར་གྱིས།། ནག་པོ་གྲུ་གསུམ་དཀྱིལ་འཁོར་ལ།། གཙང་ཐོད་རྒྱན་གྱིས་བརྒྱན་པར་བྱ།། ལྕགས་ལ་སོགས་པའི་རིན་ཆེན་ནམ།། ཚེར་མའི་ཤིང་ལས་བྱས་པ་ཡིས།། ཕུར་པ་ཟུར
100b4 གསུམ་དྲུག་བཏབ་སྟེ།། མཐིང་ནག་འབར་བའི་ལྷ་ཚོགས་རྣམས།། དྲག་པོས་འདུལ་ཕྱིར་སྤྱན་དྲངས་ཏེ།། བཏང་སྙོམས་ཁྲོས་པའི་མཆོད་སྦྱིན་བྱའོ།། ཚེར་མའི་ཤིང་ལས་སྦར་བའི་མེ།། དྲག་པོའི་ཚུལ་དུ་སྦྱིན
100b5 བསྲེག་བྱ།། ལྕགས་ཕྱེ་འབྲུ་ནག་ཤ་ཁྲག་ལ།། སྦྱར་བའི་གཏོར་མ་དྲག་ཤུལ་སྤྱད།། ཨེ་ཡི་ཚོགས་ཀྱི་དཀྱིལ་འཁོར་དུ།། ཞེ་སྡང་ལས་ཀྱིས་འཆེལ་བ་རྣམས།། བརླག་པར་གྱུར་པས་དབྱིངས་སུ་རོལ།། འདི་ནི་དྲག་པོའི
100b6 ལས་སུ་བཤད།། ཆགས་པའི་དོན་དུ་སྦྱོར་བ་སྟེ།། དབང་པོ་ཡུལ་ལ་སྦྱོར་བ་དང་།། ཆོས་ཅན་ཆོས་ཉིད་སྦྱོར་བ་དང་།། ཤེས་པ་ཤེས་པར་བྱ་བའི་ཡུལ་ལ་སྦྱོར་བ་སྟེ།། ཆོས་རྣམས་སྐྱེ་བ་མེད་པར་སྦྱོར་བ་དང་།། ཆོས་ཉིད
iiif viewer powered by OpenSeadragon
