| e-texts navigator |
| Wylie |
100a1 ཚལ་དུ་ནི།། ལྕུག་ཕྲན་མ་ཡི་ཡུམ་མཆོག་གཟུང་།། རིན་ཆེན་འདུས་པའི་བསམ་སྦྱོར་གྱིས།། སེར་པོ་གྲུ་བཞིའི་དཀྱིལ་འཁོར་ལ།། རིན་ཆེན་ཆུ་སྐྱེས་དག་གི་བརྒྱན།། རིན་ཆེན་ཁ་དོག་སེར
100a2 པོའམ།། སེར་པོའི་ཤིང་ལས་བྱས་པ་ཡི།། ཕུར་པ་ཟུར་བཞི་བཏབ་པ་སྟེ།། རྒྱས་པའི་ལྷ་ཚོགས་སྤྱན་དྲངས་ནས།། བྱམས་པའི་སེམས་ཀྱིས་མཆོད་སྦྱིན་བྱ།། སེར་པོའི་ཤིང་ལས་སྦར་བའི་མེ།། ཁ་བའི་རོ་ལྡན་སེར་པོའི
100a3 རྫས།། རྒྱས་པའི་ཚུལ་གྱིས་སྦྱིན་བསྲེག་བྱ།། གསེར་ཕྱེ་འབྲས་ཆན་སེར་པོ་ལ།། གཏོར་མ་བྱས་ཏེ་རྒྱས་པར་བྱ།། མ་ཡི་ཚོགས་ཀྱི་དཀྱིལ་འཁོར་དུ།། ང་རྒྱལ་ལས་ཀྱིས་འཆོལ་རྣམས་ལ།། རྒྱས་པར་གྱུར་པས་དབྱིངས་སུ
100a4 རོལ།། འདི་ནི་རྒྱས་པའི་ལས་སུ་བཤད།། འཇིག་རྟེན་ཁམས་ནི་རབ་འབྱམས་ལ།། ཆགས་པར་གྱུར་པའི་སེམས་ཅན་ལ།། དབང་དུ་བྱ་བར་རབ་ཏུ་གསུངས།། ཟླ་མཚན་ཅན་ནམ་ཆུ་གླིང་དུ།། སྡོང་གཅིག་མ་ཡི་གཟུངས
100a5 མ་གཟུང་།། པདྨ་འདུས་པའི་བསམ་སྦྱོར་གྱིས།། ཟླ་གམ་དམར་པོའི་དཀྱིལ་འཁོར་ལ།། པདྨ་མདའ་གཞུ་འོད་ཀྱིས་བརྒྱན།། ཟངས་ལ་སོགས་པའི་རིན་ཆེན་ནམ།། དམར་བའི་ཤིང་ལས་བྱས་པ་ཡིས།། ཕུར་པ་ཟླ་གམ
100a6 ལྔ་བཏབ་ལ།། དམར་སྨུག་འདྲ་བའི་ལྷ་ཚོགས་རྣམས།། རྡོ་རྗེ་དབྱིངས་ཕྱུག་སྤྱན་དྲངས་ཏེ།། དགའ་ཆགས་ཡིད་ཀྱིས་མཆོད་སྦྱིན་བྱ།། དམར་པོའི་ཤིང་ལས་སྦར་བའི་མེ།། སྐྱུར་ལ་མངར་བའི་རྫས་རྣམས་ཀྱིས།། དབང
iiif viewer powered by OpenSeadragon
