| e-texts navigator |
| Wylie |
99b1 མན་ངག་གི་ལེའུ་སྟེ་དགུ་པའོ།། །། དེ་ནས་ཡང་གསང་བའི་བདག་པོས།། བཅོམ་ལྡན་འདས་ལ་ཨ་ལ་ལ་ཧོ་དཔའ་བོ་ཆེན་པོ་ཁྱོད་ནི་སངས་རྒྱས་ཀུན་གྱི་རྗེ་བཙན་ནོ།། སངས་རྒྱས་ཀུན་གྱི་གདུང་ངོ་།། སངས
99b2 རྒྱས་ཀུན་གྱི་ལམ་མོ།། སངས་རྒྱས་ཀུན་གྱི་བདག་པོའོ།། ཞེས་གསོལ་ནས། སངས་རྒྱས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་ཁྱོད་ལ། བདག་ཅག་ཞུ་བར་འཚལ་ལོ།། ཡང་དག་པར་ཞུ་བར་འཚལ་ལོ།། རྗེ
99b3 བཙན་ཁྱོད་ཀྱིས་བཀའ་སྩོལ་ཅིག། བཅོམ་ལྡན་འདས་གཟུགས་དང་ཁ་དོགས་གང་ལགས། དབྱིབས་དང་རིང་ཐུང་གང་ལགས། ཀུན་རྫོབ་བྱ་བ་གང་ལགས། དོན་དམ་བྱ་བ་ཅི་ལགས། ཆོས་ཉིད་བྱ་བ་ཅི་ལགས།།
99b4 ཡེ་ཤེས་བྱ་བ་གང་ལས་གྲུབ་པ་ལགས། འདུས་བྱས་ཀྱི་དངོས་པོ་གང་ལགས། འདུས་མ་བྱས་ཀྱི་དངོས་པོ་གང་ལགས། རྡོ་རྗེ་བྱ་བ་གང་ལགས། ཕུར་པ་བྱ་བ་ཅི་ལགས། དེ་རྣམས་ཀྱི་དངོས་པོ་ཅི་ལགས། བཅོམ
99b5 ལྡན་འདས་ཀྱིས་བཤད་དུ་གསོལ། བདེ་བར་གཤེགས་པས་བཤད་དུ་གསོལ། ཀཱི་ལ་ཡ་ཡིས་བཤད་དུ་གསོལ། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས་ཐམས་ཅད་ཀྱི་རང་བཞིན་མཉམ་པ་ཆོས་ཀྱི་སྐུའི་ཏིང
99b6 དེངེ་འཛིན་ལ་སྙོམས་པར་ཞུགས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། ལེགས་སོ་ལེགས་སོ་གསང་བའི་བདག། ཆོས་ཅན་རྣམ་པ་ཀུན་ཀྱང་ང་།། གཟུགས་དང་ཁ་དོག་རྣམ་པ་ང་། དབྱིབས་དང
iiif viewer powered by OpenSeadragon
