| e-texts navigator |
| Wylie |
98b1 པས།། སེམས་ལ་དམིགས་པ་ཐོབ་བྱེད་དེ།། གང་དུ་བསླབ་པར་མི་བྱའོ།། སྔགས་ཀྱི་དེ་ཉིད་གང་ཡིན་པ།། རྣལ་འབྱོར་རྣམས་ཀྱིས་ཤེས་པར་གྱིས།། གང་ལས་སངས་རྒྱས་གནས་གྱུར་པ།། དེ་ཉིད་གསང་བ་དམ་པ
98b2 སྟེ།། དེ་བཞིན་གཤེགས་པའི་སྤྱོད་པ་ཡིན།། བླུན་པོ་རྣམས་ཀྱིས་མི་མཐོང་སྟེ།། རྣལ་འབྱོར་རྣམས་ཀྱིས་དེ་ཤེས་ནས།། ཡང་དག་དོན་ལ་ཞུགས་པ་ཡིན།། སྟོང་ཉིད་ངོ་བོར་ཡི་གནས་ན།། ཚད་མེད་བཞི་ཡང་ཟིལ
98b3 གྱིས་མནོན།། འདོད་ཆགས་ཆེན་པོའི་ཚུལ་གྱིས་ནི།། ཡེ་ཤེས་ཆེན་པོ་ཐོབ་པར་བྱེད།། ཕྱག་རྒྱ་བཞི་དང་ཡན་ལག་བཞི།། དེ་ལྟར་ཆོས་ཀྱི་སྐུ་དང་ནི།། ཐུན་མོང་མཆོག་ཏུ་གསུངས་པ་ཡིན།། དེ་ཉིད་ས་བོན་བདག
98b4 ཉིད་པས།། ཕྲ་མོའི་ཐིག་ལེར་གནས་པར་བྱེད།། འདི་ནི་སངས་རྒྱས་ཐམས་ཅད་ཀྱི།། བྱང་ཆུབ་ཆེན་པོ་བླ་ན་མེད།། སྐུ་གསུང་ཐུགས་སུ་བདག་སྦྱོར་བས།། སྔགས་ལ་དམིགས་པ་ཐོབ་པར་འགྱུར།། སྔགས་ལ
98b5 དམིགས་པའི་བདག་ཉིད་ཀྱིས།། སྟོང་ཉིད་ཡེ་ཤེས་ཐོབ་པར་བྱེད།། དེ་བཞིན་གསང་སྔགས་སྒོམ་པ་པོས།། བདེ་ཆེན་འཁོར་ལོ་རྒྱུན་བཞུ་ནས།། རིམ་པ་བཞིན་དུ་བབས་གྱུར་ཏེ།། བྱང་ཆུབ་སེམས་ཀྱི་རང་བཞིན
98b6 དག། སྦྱོར་བའི་ལྷུམས་སུ་ཕཊ་ཀྱིས་འཕང་།། པདྨ་ཟླ་བ་ཁ་སྦྱོར་བས།། ཚངས་པའི་བུ་ག་ཁ་སྒྲུབ་ནས།། འོད་ཟེར་འཕྲོ་འདུའི་སྦྱོར་བ་ཡིས།། དབུགས་ནི་ཐིག་ལེ་ཉིད་དུ་བཞག། ཡང་ན་སྔགས་ལ་དམིགས་པ
iiif viewer powered by OpenSeadragon
