| e-texts navigator |
| Wylie |
97b1 བཅུ་རྩ་གཉིས་ཡིན།། མགྲིན་པ་པདྨ་བཅུ་དྲུག་ནི།། འཕགས་པའི་ལམ་དང་ཡན་ལག་གོ། སྙིང་གའི་པདྨ་འདབ་བརྒྱད་ནི།། བདེན་པ་བཞི་ཡི་མཚན་ཉིད་ཡིན།། ལྟེ་བའི་པདྨ་དྲུག་ཅུ་བཞི།། གཟུགས་ཀྱི་སྐུ་ལ་མཚན
97b2 བཟང་པོ།། འཁོར་ལོའི་རྣམ་པ་ཀུན་ལ་ནི།། དབྱངས་ཀྱི་ཡི་གེས་གང་བར་བྱས།། ལྟེ་བ་ལ་ནི་ཡི་གེ་ཧཾ།། དེ་ཉིད་འགོག་པ་མྱ་ངན་འདས།། དང་པོ་བདེ་བ་ཆེན་པོའི་སྐུ།། དེ་ལྟར་ཐོབ་བྱེད་འཇུག་པ་ལ།། བུམ་པའི
97b3 དབང་ནི་དང་པོ་སྟེ།། ལམ་གྱི་འབྲས་བུའི་ཚུལ་འཆང་བའི།། རིགས་བཞིའི་ས་བོན་ཕྱོགས་དག་ཏུ།། ངག་གི་ལམ་གྱི་ལྟེ་བར་ཧྲི།། དེ་ཉིད་ལས་སུ་གསུངས་པའི་དབང་།། ལོངས་སྤྱོད་རྫོགས་པས་ལོངས་སྤྱོད
97b4 སྐུ།། དེས་ནི་རྒྱུད་སྡེ་མཐའ་དག་གི། འགོག་པ་སེལ་བའི་དབང་ཡིན་ནོ།། གཉིས་པ་གསང་བའི་དབང་ཡིན་ཏེ།། བདེན་པ་བཞི་ཡི་རང་བཞིན་ཅན།། ཐུགས་ཀྱི་ཡེ་ཤེས་རྩེ་གཅིག་པས།། ལྟེ་བའི་སྟེང་དུ་ཡི་གེ
97b5 ཧཱུཾ།། ཐབས་དང་ཤེས་རབ་མཐའ་དག་སྡུད།། དེ་ཉིད་རྣམ་པ་ཀུན་འབྱུང་བ།། ཆོས་ཀྱི་སྐུ་ཡི་བདག་ཉིད་ལས།། གསུམ་པ་ཤེས་རབ་ཡེ་ཤེས་དབང་།། ཐུན་མོང་མཚན་དང་ལྡན་པ་ཡིས།། རྣམ་པ་གཉིས་སུ་གྱུར་པས
97b6 ན།། ཕྱོགས་མཚམས་དག་ནི་རིགས་རྣམས་ཀྱིས།། ས་བོན་ཉིད་ཀྱིས་མཚན་པ་ལ།། ལྟེ་བར་ཨོཾ་ཡིག་རྣམ་པར་བསམ།། སྡུག་བསྔལ་བདག་ཉིད་ལྡན་པས་ན།། སྤྲུལ་པས་དོན་མཛད་རྣམ་པར་དག། བཞི་པའི་དོན
iiif viewer powered by OpenSeadragon
