| e-texts navigator |
| Wylie |
97a1 ནི།། གནན་པ་འཁོར་ལོའི་དཀྱིལ་འཁོར་རོ།། དེ་ནས་འདེབས་པའི་འཁོར་ལོ་ནི།། རྩེ་མོའི་བྷ་ག་ཉིད་དུ་བཤད།། དེ་ལ་སྔགས་པས་བསྒྲུབ་པར་བྱའོ།། ཐབས་དང་ཤེས་རབ་ལྡན་པས་ནི།། གྱེན་དུ
97a2 འགྲོ་དང་ཐུར་དུ་འགྲོ།། ལྔ་པ་གཉིས་ནི་བཅུ་རུ་གྱུར།། སྲོག་ནི་རྩོལ་བ་ལས་བྱུང་བའི།། རིམ་པ་རླུང་གི་དེ་ཉིད་ཡིན།། ཨཱ་ལི་ཀཱ་ལི་ལ་སོགས་པ།། སྔགས་ཀྱི་ཁོ་ན་ཉིད་དོ་ཞེས།། དེ་ལ་བདག་གི་དེ་ཁོ་ན་ཉིད།། ནམ
97a3 ཁའི་ཁམས་ཀྱི་དབུས་དག་ཏུ།། སངས་རྒྱས་གཞལ་ཡས་རྫོགས་རྗེས་ལ།། དཀྱིལ་འཁོར་ཤེས་རབ་བསྒོམ་པར་བྱ།། དེ་ཡི་དབུས་སུ་སངས་རྒྱས་རྣམས།། མན་ངག་ཇི་བཞིན་རྫོགས་པ་ལ།། ཕྱག་རྒྱ་བཞི་ཡི་རྒྱས
97a4 བཏབ་པས།། སྨུག་པོ་བུར་འདྲ་ཡེ་ཤེས་སེམས།། རང་གི་གཙོ་བའི་རྟགས་ཀྱིས་བརྒྱན།། ཤེས་རབ་ཐབས་ཀྱི་བྲེ་བྲག་ལས།། ཡན་ལག་བཞི་ནི་རབ་ཏུ་འབྲེལ།། དཀྱིལ་འཁོར་བཞི་ནི་བསྐྱེད་བྱས་ལ། དཀྱིལ་འཁོར
97a5 བཞི་ནི་ལྡན་པ་ལ། བདག་གི་དེ་ཉིད་རིམ་གྱི་རླུང་།། རླུང་གི་དེ་ཉིད་ཡང་དག་འཇུག། དང་པོར་བདག་ཉིད་བྱིན་བརླབས་པས།། དཀྱིལ་འཁོར་ཀུན་དང་ལྡན་པ་ཡིན།། ཐབས་ཀྱི་ཁྱད་པར་ལས་བྱུང་བའི།། འཁོར་ལོ
97a6 རྣམས་ནི་རབ་ཏུ་དམིགས།། ཆོས་དང་ལོངས་སྤྱོད་སྤྲུལ་པ་དང་།། བདེ་བ་ཆེན་པོའི་འཁོར་ལོ་ཆེ།། པདྨའི་འདབ་མ་ལས་བྱུང་བའི།། ས་བོན་ཡི་གེ་རྣམས་ཀྱིས་བརྒྱན།། བདེ་བ་ཆེན་པོའི་འཁོར་ལོ་ནི།། མཚན་ནི་སུམ
iiif viewer powered by OpenSeadragon
