| e-texts navigator |
| Wylie |
96b1 སྦྲུལ་བྱུང་ངོ་།། དེ་རྣམས་ཀྱིས་འཇིག་རྟེན་གྱི་ཁམས་ཐམས་ཅད་ཤིག་ཤིག། ནུར་ནུར་པོར་བརླགས་པས། བསྟན་པ་ལ་གནོད་པའི་དགྲ་དང་བགེགས་ཐམས་ཅད་བརླགས་པར་བྱས་སོ།། དེ་ནས་དེ་རྣམས་ཀྱི་ལུས་ནི
96b2 གདན་དུ་བྱས། ཆུང་མ་ནི་སླས་དང་བྱི་མོ་དང་བྲན་མོར་བྱིན་པ་ནི། འཁོར་དབང་ཕྱུག་མ་ལ་སོགས་པའོ།། རྡོ་རྗེ་གསང་བའི་བཀའ་ལས་ནི།། སུས་ཀྱང་འདའ་བར་མི་ནུས་སོ།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས།
96b3 སྤྲུལ་པས་དྲེགས་པ་ཅན་བཏུལ་བའི་ལེའུ་སྟེ་བརྒྱད་པའོ།། །། དེ་ནས་དེ་བཞིན་གཤེགས་པ་ཤིན་ཏུ་གསང་བའི་ཏིང་ངེ་འཛིན་ལ་སྙོམས་པར་ཞུགས་ནས། ཤིན་ཏུ་གསང་བའི་ཡང་གསང་བ་བསྐྱེད་པའི་རྫོགས
96b4 པ་འདི་ལྟ་བུ་གསུངས་སོ།། གསང་བ་ཁམས་ཀྱི་གནས་དག་ཏུ།། སངས་རྒྱས་རྣམས་ཀྱི་དཀྱིལ་འཁོར་ཏེ།། བསྐྱེད་པའི་རིམ་པ་རྫོགས་པ་དང་།། བདག་གི་དེ་ཉིད་ཁོ་ནའོ།། བྱིན་གྱིས་བརླབ་པར་བྱ་བ་ནི།། དང་པོར
96b5 བདེ་ཆེན་འཁོར་ལོ་ནི།། རང་བཞིན་དཀྱིལ་འཁོར་ཁོ་ནའོ།། མགྲིན་པ་ལོངས་སྤྱོད་འཁོར་ལོ་ནི།། ཕྱོགས་བཅུ་ཁྲོ་བོའི་དཀྱིལ་འཁོར་རོ།། སྙིང་ག་ཆོས་ཀྱི་འཁོར་ལོ་ནི།། བདག་ཉིད་རྩ་བའི་དཀྱིལ་འཁོར་རོ།། ལྟེ
96b6 བ་སྤྲུལ་པའི་འཁོར་ལོ་ནི།། ཕུར་པ་སྲས་རྫས་ཡང་ཀྱི་དཀྱིལ་འཁོར་རོ།། དེ་ནས་འཁོར་ལོ་གསུམ་པ་ནི།། མེ་ཡི་འཁོར་ལོ་བསྟན་པ་ཡིན།། འབྲུབ་ཁུང་ལས་ཀྱི་དཀྱིལ་འཁོར་རོ།། དེ་ནས་འཁོར་ལོ་དྲུག་པོ
iiif viewer powered by OpenSeadragon
