| e-texts navigator |
| Wylie |
96a1 གྱིས་བརླབས་པ་ཡིན། སུས་བཏང་བ་ཡིན། འདི་འུ་ཅག་གིས་སུ་ལ་འདྲི། འདི་ཡིས་འུ་ཅག་ལ་གནོད་པ་ཆེན་པོ་བྱེད་པ་མིན་ནམ། ཞེས་གཅིག་གིས་གཅིག་ལ་དྲིས་པས། དེ་རྣམས་ལ་འཕགས་པ་སྤྱན
96a2 རས་གཟིགས་དབང་ཕྱུག་གིས་དཔལ་ཕྱག་ན་རྡོ་རྗེའི་སྐུར་སྤྲུལ་ནས། ཕྱག་གཡས་པ་གསེར་གྱི་རྡོ་རྗེ་རྩེ་དགུ་པ་བསྣམས་ཏེ། འདི་ནི་ངའི་མཐུའོ།། འདི་ནི་ངའི་བྱིན་གྱིས་བརླབས་སོ།། འདི་ནི་ངས་བཏང་བ་ཡིན
96a3 ནོ།། འདི་ནི་ཁྱེད་ཀྱི་བདུད་ཡིན་པས། ཁྱོད་ཀྱང་བསྟན་པ་ལ་གནོད་པ་མ་བྱེད་ཅིག། ཅེས་བསྒོ་བས། སྲིན་པོ་དེ་རྣམས་ཀྱིས་བསྙད་ནས། གལ་ཏེ་ཁྱོད་པས་ལྷག་གཞན་པ་སུ་ཡོད་དྲིས་པས། གསང་བའི་བདག་པོས
96a4 བཀའ་སྩལ་པ། ང་བས་ཀྱང་ལྷག་པ་དུས་གསུམ་གྱི་སངས་རྒྱས་ཐམས་ཅད་འདུས་པའི་སྲས་མཆོག་ཏུ་གྱུར་པ་དཔལ་རྡོ་རྗེ་གཞོན་ནུ་བྱ་བ་ནི། ཆོས་ཆེས་ང་བས་ཀྱང་ལྷག་པ་ཡིན་ནོ།། ཞེས་པས། དེ་རྣམས་ཀྱིས
96a5 སྨྲས་པ། ཀྱེ་མ་མ་མཐོང་འཇིགས་པའི་རྗེ་བཙན་ཁྱོད། ཁྱོད་པས་ལྷག་པ་ཡོད་ན་ནི།། བདག་ཅག་རྣམས་ནི་བརྒྱལ་ནས་འཆི།། ཞེས་སྨྲས་པས། བ་སྤུ་ལངས་ནས་གན་བུབ་ཏུ་སོང་ངོ་།། དེ་ནས་རྡོ་རྗེ་གཞོན་ནུས་ཕྲིན
96a6 ལས་རྣམ་གཞིའི་སྔགས་བརྗོད་པས། གཅིག་དང་གཉིས་མ་ཡིན་པ་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ང་ཅི་བས་ཀྱང་འགུལ་ཞིང་གཡོ་བའི་སྤུའི་བུ་ག་ནས། བྱེ་བ་དུང་ཕྱུར་ཙམ་གྱི་ཁྲོ་བོའི་སྤྲུལ་པ་ཡང
iiif viewer powered by OpenSeadragon
