| e-texts navigator |
| Wylie |
95a1 མདོག། སོ་སོའི་ཁ་དོག་ཇི་བཞིན་ནོ།། རང་རེའི་ལག་ཆ་ལག་ན་བསྣམས།། ཞེས་གསུངས་ནས། དེ་ཉིད་དུ་མི་སྣང་བར་གྱུར་ཏོ།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། ཁྲོ་བོ་རྣམས་ཀྱི་ཞལ་དང་ཕྱག་ལ
95a2 སོགས་པ་རྣམ་པར་དག་པའི་ལེའུ་སྟེ་བདུན་པའོ།། །། དེ་ནས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་དེ། ཆོ་འཕྲུལ་སྣང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་རྣམས་ཀྱི་སྤྲུལ་པ་སྦྱོར་བ
95a3 མོ་བདག་པོ་རྣམས་དགའ་བར་བྱེད་པ། དེ་བཞིན་གཤེགས་པའི་བཙུན་མོ་དམ་པ་དཔལ་རྡོ་རྗེ་སྒྲ་འབྱིན་མ་དང་། རྡོ་རྗེ་སྙེམས་མ་དང་། རྡོ་རྗེ་དུར་ཁྲོད་བདག་མོ་དང་། རྡོ་རྗེ་གཏུམ་མོ་དང་། རྡོ་རྗེ་བསྐུལ་བྱེད་མ་དང་།
95a4 རྡོ་རྗེ་སྡེར་མོ་དང་། རྡོ་རྗེ་གཏུན་ཁུང་མ་དང་། རྡོ་རྗེ་མདའ་སྙེམས་པ་དང་། རྡོ་རྗེ་གསོད་མ་དང་། རྡོ་རྗེ་བསྐྱོད་མ་དང་། གཉིས་སུ་མེད་པར་བཞུགས་པ་དེ་རྣམས་ཀྱི་སྤྲུལ་པ་ཡང་། བྱང་ཆུབ་ཀྱི་སེམས་དཀར་དམར
95a5 ལས་གྲུབ་པའི་ཕྲ་མེན་མ་སྟེ། ཕག་གི་མགོ་ཅན་དང་། སྟག་གི་མགོ་ཅན་དང་། ཤ་བའི་མགོ་ཅན་དང་། བྱི་ལའི་མགོ་ཅན་དང་། སེང་གེའི་མགོ་ཅན་དང་། གཡག་གི་མགོ་ཅན་དང་། གཟིག་གི་མགོ་ཅན་དང་།། སྤྱང
95a6 ཀིའི་མགོ་ཅན་དང་། དྲེད་ཀྱི་མགོ་ཅན་དང་། དོམ་གྱི་མགོ་ཅན་དང་། སྨིག་བུའི་མགོ་ཅན་དང་། བྱ་རྒོད་ཀྱི་མགོ་ཅན་དང་། འུག་པའི་མགོ་ཅན་དང་། པུ་ཤུད་ཀྱི་མགོ་ཅན་དང་། ཕ་ཝང་མགོ་ཅན་དང་། བྱ་རོག་གི
iiif viewer powered by OpenSeadragon
