| e-texts navigator |
| Wylie |
94a1 སྩལ་པ། གཏི་མུག་རྣམ་པར་དག་པ་ཡི།། ཧཱུཾ་ཀཱ་ར་ཡི་མདོག་དང་རྒྱ།། གཡས་པ་སེར་ཞིང་གཡོན་པ་དམར།། རྩ་བའི་ཞལ་ནི་དཀར་པོའོ།། དང་པོ་མེ་དཔུང་རིག་མ་འཁྱུད།། འཁོར་ལོ་རལ་གྲི་གཡས
94a2 པ་སྟེ།། རིན་ཆེན་པདྨ་གཡོན་ནའོ།། སྟོབས་པོ་ཆེ་ཡི་མཚན་ཉིད་ཀྱང་།། གཡས་དཀར་གཡོན་དམར་རྩ་ཞལ་གནག། དང་པོ་མེ་དཔུང་རིག་མ་འཁྱུད།། གཡས་པ་ཏྲི་ཤཱུལ་རལ་གྲི་འཛིན།། གཡོན་པ་རིན་ཆེན
94a3 པདྨའོ།། རྣམ་པར་རྒྱལ་བ་དཀར་བ་སྟེ།། གཡས་པ་གནག་ཅིང་གཡོན་པ་དམར།། དང་པོ་མེ་དཔུང་རིག་མ་འཁྱུད།། གཡས་པ་དབྱུག་ཏོ་རལ་གྲི་ལ།། རིན་ཆེན་པདྨ་གཡོན་པ་སྟེ།། ཞེ་སྡང་རྣམ་པར་དག་པའོ།། ཤར
94a4 གྱི་རྩིབས་སུ་གཞག་པར་བྱ།། ང་རྒྱལ་རྣམ་པར་དག་པ་ནི།། ལྷོ་ཕྱོགས་གཤིན་རྗེ་མཐར་བྱེད་ནི།། དང་པོ་མེ་དཔུང་རིག་མ་འཁྱུད།། གཡས་པ་གནག་ཅིང་གཡོན་པ་དམར།། རྩ་བའི་ཞལ་ནི་སེར་བ་སྟེ།། གཡས་པ་ཐོ
94a5 བ་རལ་གྲི་ལ།། གཡོན་པ་རིན་ཆེན་པདྨའོ།། འདོད་ཆགས་རྣམ་པར་དག་པ་ནི།། ནུབ་ཕྱོགས་རྟ་མགྲིན་རྒྱལ་པོ་ནི།། གཡས་པ་དཀར་ལ་གཡོན་པ་སྔོ།། རྩ་བའི་ཞལ་ནི་དམར་བ་སྟེ།། དང་པོ་མེ་དཔུང་རིག་མ
94a6 འཁྱུད།། པདྨ་དང་ནི་རལ་གྲི་གཡས།། འཁོར་ལོ་རིན་ཆེན་གཡོན་པ་ནའོ།། ཕྲག་དོག་རྣམ་པར་དག་པ་ནི།། བདུད་རྩི་འཁྱིལ་བ་ཞལ་དབུས་ལྗང་།། གཡས་དང་གཡོན་ནི་དཀར་དང་དམར།། དང་པོ་མེ་དཔུང་རིག
iiif viewer powered by OpenSeadragon
