| e-texts navigator |
| Wylie |
93a1 གསོལ་ཏོ།། བཅོམ་ལྡན་འདས་ཀྱིས་བཀའ་སྩལ་པ།། བདག་གི་མཚན་ཉིད་རྟོགས་དཀའ་བ། ཁྱོད་ཀྱི་ཞུས་པ་ཡ་མཚན་ཆེ།། རང་བྱུང་ཆེན་པོའི་ཡེ་ཤེས་ལས།། དཔའ་བོ་ང་ནི་གྲུབ་པའོ།། རྒྱུད་ཀྱི་རྒྱལ
93a2 པོ་རྡོ་རྗེ་ཕྲེང་བ་ལས། ཁྲོ་བོ་རྣམ་པར་རྒྱལ་བ་གླེང་གཞིའི་སྟེ་ལེའུ་ལྔ་པའོ།། །། དེ་ནས་ཡང་བཅོམ་ལྡན་འདས་གསང་བའི་བདག་པོས། ཁྲོ་བཅུའི་དངོས་པོ་ཞུས་པ། ཁྲོ་རྒྱལ་འཇིགས་བྱེད་ཀཱི་ལ་ཡ། ཁམས
93a3 གསུམ་སྒྲོལ་མཛད་དཔལ་གྱི་ཐུགས་ཀ་ནས། ཁྲོ་བོ་སྤྲུལ་པ་མང་པོ་དབྱུང་དུ་གསོལ། ཞེས་ཞུས་སོ།། དེ་མཁྱེན་ནས་ཀི་ལ་ཡ་ཆེན་པོས། འདོད་ཆགས་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ནས། ཞུགས
93a4 མ་ཐག་ཏུ། སྒྱུ་མ་ཆེན་མོ་འཁོར་ལོ་རྒྱས་འདེབས་མ་དང་གཉིས་སུ་མེད་པར་འཁྲིལ་ལོ།། དེ་ནས་ཡབ་ཡུམ་ཆགས་པ་ཡང་དག་པའི་བདེ་བ་ཆེན་པོས་བསྐུལ་ནས་གཉིས་སུ་མེད་པར་གྱུར་ཏེ། འཁོར་ལོའི་ཛཿཧཱུཾ་བཾ
93a5 ཧོཿཡབ་ཡུམ་བདེ་བར་གྱུར་ཏོ།། དེ་ཡང་བདེ་བ་ཆེན་པོའི་འཁོར་ལོ་ལ་སོགས་པ་བཞུ་ནས། རྡོ་རྗེའི་བུ་ག་ལ་གནས་པ་དེ། ཡུམ་གྱི་མཁའ་ལ་ཕབ་ནས། བྱང་ཆུབ་ཀྱི་སེམས་འོད་ཟེར་དཀར་དམར་གྱི་རྣམ་པ་མང་དུ
93a6 བདེ་བ་ཆེན་པོའི་གནས་སུ་མང་དུ་འཕྲོས་པས། དེ་ལས་ཡི་གེའི་ཚོགས་དུ་མ་དུ་མས་གནས་དེ་དག་གང་བར་བྱས་སོ།། གང་མ་ཐག་ཏུ་ཞུས་ནས། ཡབ་ཀྱི་གསང་བར་འདུས་སོ།། ཡུམ་གྱི་མཁའ་ལ་དཀར་དམར
iiif viewer powered by OpenSeadragon
