| e-texts navigator |
| Wylie |
92b1 སྩལ་ཏོ།། ལེགས་སོ་ལེགས་སོ་གསང་བའི་བདག། མ་འོངས་དོན་དུ་ཞུས་པ་ལེགས་སོ།། ང་ཡིས་བཤད་ཀྱི་ཁྱོད་ཀྱིས་ཉོན། ཁྲོ་བོ་ཆེན་པོ་འདི་རྣམས་ཀྱང་།། སྐྱེ་བ་རྣམ་བཞི་ལས་བྱུང་བའོ།། འདི་རྣམས་རྡོ་རྗེ་གསང
92b2 བས་བསྐྱེད་པའོ།། འདི་རྣམས་བགེགས་ཀྱི་རྒྱལ་པོ་རྣམས་འདུལ་བའི་དོན་དུ་འཚལ་ལོ།། འདི་རྣམས་ནི་མ་འོངས་པའི་དོན་དུ་འཚལ་ལོ།། རྣམ་པར་ཤེས་པའི་ཚོགས་བརྒྱད་ལས་གྲུབ་པའོ།། རྣམ་པར་རྒྱལ་བ་ནི་མེ
92b3 ལོང་ལྟ་བུའི་ཡེ་ཤེས་ཀྱི་འབྲས་བུའོ།། གཤིན་རྗེ་གཤེད་ནི་མཉམ་པ་ཉིད་ཀྱི་ཡེ་ཤེས་ཀྱི་འབྲས་བུའོ།། ཧ་ཡ་གྲཱི་ཝ་ནི་སོ་སོར་རྟོག་པའི་ཡེ་ཤེས་ཀྱི་འབྲས་བུའོ།། བདུད་རྩི་འཁྱིལ་བ་ནི་བྱ་བ་ནན་ཏན་གྱི་ཡེ་ཤེས་ཀྱི
92b4 འབྲས་བུའོ།། ཧཱུཾ་ཀཱ་ར་ནི་ཆོས་ཀྱི་དབྱིངས་ཀྱི་ཡེ་ཤེས་ཀྱི་འབྲས་བུའོ།། གཞན་དག་ནི་གཟུང་བའི་ཆ་ལས་གྲུབ་པའོ།། འདི་རྣམས་ནི་ཞེ་སྡང་ལ་སོགས་པ་རྣམ་པར་དག་པའོ།། འདི་རྣམས་ནི་ཞེ་སྡང་ལ་སོགས་པའི
92b5 གཉེན་པོའོ།། སྐུ་གསུམ་གྱི་མཚན་ཉིད་ཡིན་པས་ཕྲེང་བའོ།། འདུས་བྱས་ལས་རྣམ་པར་དག་པའོ།། ཞེས་གསུངས་ནས། ཁྲོ་མཆོག་འབར་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་མཉམ་པ
92b6 ཆེན་པོའི་སྐུར་བཞེངས་ཏེ། གསང་བའི་བདག་པོས་ཞུས་པ། བཅོམ་ལྡན་ཆེན་པོ་ཉག་རེ་གཅིག། ཁྱོད་ཉིད་ཡེ་ཤེས་གང་ལས་གྲུབ།། དཔའ་བོ་ཆེན་པོས་བཀའ་སྩོལ་དང་།། ཡ་མཚན་ཆེན་པོའི་ཆོས་ཉིད་ཤོད།། ཅེས
iiif viewer powered by OpenSeadragon
