| e-texts navigator |
| Wylie |
92a1 ཅད་ཀྱི་གསུང་གི་སྙིང་པོ་ཡང་ཡིན་ནོ།། ཐུགས་ཀྱི་སྙིང་པོ་ཡང་ཡིན་ནོ།། སྐུའི་སྙིང་པོ་ཡང་ཡིན་ནོ།། ཡོན་ཏན་གྱི་སྙིང་པོ་ཡང་ཡིན་ནོ།། ཕྲིན་ལས་ཀྱི་སྙིང་པོ་ཡང་ཡིན་ནོ།། དེའི་ཕྱིར་རྒྱུད་འདིར
92a2 གསུངས་པ། འབྲེལ་བའི་ཕྱིར་ན་གསུངས་པ་སྟེ།། སྐུ་གསུང་ཐུགས་དང་ཡོན་ཏན་ལས།། ཆོས་ཀྱི་སྐུ་དང་གཟུགས་ཀྱི་སྐུ།། རྒྱུ་དང་ཐབས་དང་འབྲས་བུ་ལ།། འབྲེལ་བའི་ཕྱིར་ན་རྒྱུད་ཅེས་བྱ།། རྒྱུད་ཅེས་གྲགས་པ
92a3 འབྲེལ་པ་སྟེ།། གཅིག་ལ་གཅིག་འབྲེལ་རྒྱུད་ཀྱི་དོན།། རབ་འབྲེལ་དེ་ནི་རྣམ་གསུམ་སྟེ།། དེས་ན་རྒྱུད་དུ་གྲགས་པའོ།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། དོམ་དམ་པའི་ངང་ལས་རྒྱུད་དུ་གྲགས་པ། དཔལ་རྡོ་རྗེ
92a4 གཞོན་ནུ་རིགས་ལྔའི་ཚོགས་སུ་དུས་གསུམ་གྱི་བདེ་བར་གཤེགས་པ་ལས་ཕྱག་རྒྱའི་གཟུགས་སུ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་གསང་བའི་བདག་པོས། བཛྲ་ཀའི་ལ་ཡ་ཆེན་པོ་ལ་འདི་སྐད
92a5 ཅེས་གསོལ་ཏོ།། ཀྱེ་དཔའ་བོ་ཆེན་པོ་ཧཱུཾ་ཀཱ་ར་ལ་སོགས་པའི་ཁྲོ་བོ་ཆེན་པོ་འདི་རྣམས་ཇི་ལྟར་འབྱུང་བ་ལགས། སུས་བསྐྱེད་པ་ལགས། སུ་ཞིག་འདུལ་བ་ལགས། གང་ལས་གྲུབ་པ་ལགས། ཡེ་ཤེས་གང་གི་ངོ་བོ
92a6 ལགས། རྣམ་པར་དག་པ་གང་ལགས། ཉོན་མོངས་པ་གང་སྦྱོང་བ་ལགས། རྡོ་རྗེ་ཕྲེང་བ་ཞེས་བྱ་བ་ཇི་ལྟ་བུ་ལགས། གང་ལས་རྣམ་པར་དག་པ་ལགས། དེ་སྐད་ཞུས་པ་དང་། བཛྲ་ཀཱི་ལ་ཡས་འདི་སྐད་ཅེས་བཀའ
iiif viewer powered by OpenSeadragon
