| e-texts navigator |
| Wylie |
91a1 མཛད་པའོ།། ཉི་ཟླ་ཕོ་ནི་སྒྲོལ་བར་བགྱི།། ཉི་ཟླ་མོ་ནི་གདན་ལ་སྤྱོད།། ལྷ་སྲིན་རྣམས་ནི་གདན་དུ་བསྒྲལ།། བསྒྲལ་ནས་བླུད་བུ་རྒྱལ་མཚན་བྱས།། དེ་ལྟར་རྣམ་པར་རྒྱལ་བ་ལ།། སོགས་པའི་ཁྲོ
91a2 བོཔོ་རྣམས་ལ་ནི།། གོང་གི་ལས་རྣམས་བསྒོ་བར་བྱའོ།། དེ་ལྟར་བྱས་ནས་བཏབ་གྱུར་ན།། ཕྱོགས་བཞི་མཚམས་བརྒྱད་སྟེང་འོག་བཅུར།། བགེགས་ཀྱི་རྒྱལ་པོ་མནན་གྱུར་ན།། གནོད་བྱེད་གཞན་ལྟ་སྨོས་ཅི
91a3 དགོས།། ཞེས་གསུངས་སོ།། རྒྱུད་ཀྱི་རྒྱལ་པོ་རྡོ་རྗེ་ཕྲེང་བ་ལས། བསྟན་པ་ལ་གནོད་པའི་བདུད་བཏུལ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོས། རྣམ་པར་རྟོག་པ་མེད
91a4 པ་དཔའ་བར་འགྲོ་བའི་ཏིང་ངེ་འཛིན་ལ་སྙོམས་པར་ཞུགས་པས། ལྷ་སྲིན་སྡེ་བརྒྱད་བྲེད་སྔངས་ནས། རྣལ་འབྱོར་པ་ལ་རྣམ་པར་འཚེ་བ་དང་། སྲོག་དང་མདངས་འཕྲོག་པ་རྣམས་ཕྱིས་མི་ཕྱེད་པར་ཁས་བླངས
91a5 སོ།། གསང་བའི་བདག་པོས་ཞུས་པ། དཔལ་བཛྲ་ཀི་ལ་ཡ་ཆེན་པོས་བཀའ་བསྣོལ་དང་ཞེས་ཞུས་པས། གསང་བའི་བདག་པོ་ཁྱོད་ལེགས་སོ།། ཁས་ལེན་མི་ཤེས་སམ། གསང་བའི་བདག་པོ་ཁས་ལེན་པ་ནི་འདི
91a6 རྣམས་སོ།། ལྷ་དང་། ཀླུ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། ཡི་དྭགས་དང་དྲི་ཟ་དང་། ཤ་ཟ་དང་འབྱུང་པོ་དང་། སྐེམ་འབྱེད་དང་། བརྗེད་བྱེད
iiif viewer powered by OpenSeadragon
