| e-texts navigator |
| Wylie |
89b1 གསུང་དྲག་པོའི་སྔགས་ཚིག་ཧཱུཾ་ཧཱུཾ་ཕཊ་ཕཊ་ཧ་ལ་བྷྱོ་རུ་ལུའི་སྒྲ་སྒྲོགས་པ། ཐུགས་དུག་ལྔ་ལ་སོགས་པ་གདུག་པའི་ཚོགས་འོད་ཟེར་དུ་མ་དུ་མས་སྤང་རྩི་མེས་བསྲེག་པ་བཞིན་དུ་བསྲེགས་པ་དེ་དུས་གསུམ་གྱི་བདེ
89b2 བར་གཤེགས་པ་ཐམས་ཅད་ཀྱིས་མཐོང་། ཀུན་གྱིས་གཟིགས་ཤིང་མཐོང་བར་གྱུར་ཏོ།། དེ་ལ་དེ་བཞིན་གཤེགས་པ་བུདྡྷ་ཧེ་རུ་ཀ་ལ་སོགས་པའི་ཁྲོ་བོ་ཐམས་ཅད་དང་། ཁྲོ་མོའི་ཚོགས་ཐམས་ཅད་དང་། འཁོར་གྱི
89b3 ལྷ་མོ་དུ་མས་ཕྱག་བཙལ་ནས། མཆོད་པའི་ཚོགས་མང་པོས་མཆོད་དེ། གསང་བ་ཕྱིའི་མཆོད་པ་དང་། གསང་བ་ནང་གི་མཆོད་པ་དང་། གསང་བ་གསང་བའི་མཆོད་པས་མཆོད་ནས། ཕྱག་འཚལ་ནས་འདི་སྐད
89b4 ཅེས་གསོལ་ཏོ།། དེ་བཞིན་གཤེགས་པ་ཀུན་གྱི་གནས།། དེ་བཞིན་གཤེགས་པ་གསང་བའི་མཆོག། དེ་བཞིན་གཤེགས་པ་མཛོད་ཀྱི་བདག། ཆོས་རྣམས་ཀུན་གྱི་སྙིང་པོ་འདི། དཔའ་བོ་ཁྱོད་ཀྱིས་བཤད་དུ་གསོལ།།
89b5 དེ་སྐད་ཅེས་གསོལ་པས། དཔའ་བོ་ཉིད་ཀྱིས་གསོལ་བ་བཏབ་པར་མཁྱེན་ནས། རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་ཆོས་ཉིད་ཀྱི་སྒྲ་འདི་སྐད་ཅེས་ཕྱུང་ངོ་།། ཨོཾ་མ་ཧཱ་ཤུ་ནྱ་ཏ་ཛྙཱ་ན
89b6 བཛྲ་ས་བྷ་ཝ་ཨཱཏྨ་ཀོ&ཧཾ། ཆོས་སུ་སྣང་བའི་དངོས་པོ་ཀུན།། ངོ་བོ་ཉིད་ཀྱིས་སྟོང་པ་ལ།། གཟུང་དང་འཛིན་པ་རྣམ་སྤངས་ཏེ།། རང་བཞིན་གྱིས་ནི་སྟོང་པ་ཡིན།། དེས་འཁོར་རྣམས་ཀྱང་ཟིལ་གྱིས་མནན་ཏོ།། རྒྱུད
iiif viewer powered by OpenSeadragon
