| e-texts navigator |
| Wylie |
89a1 ལ། ཧ་ཧ་ཧ། ཧེ་ཧེ་ཧེ། དེ་བཞིན་གཤེགས་པ་བུདྡྷ་ཧེ་རུ་ཀ་དང་། དེ་བཞིན་གཤེགས་པ་བཛྲ་ཧེ་རུ་ཀ་དང་། དེ་བཞིན་གཤེགས་པ་རཏྣ་ཧེ་རུ་ཀ་དང་། དེ་བཞིན་གཤེགས་པ་པདྨ་ཧེ་རུ་ཀ་དང་། དེ་བཞིན
89a2 གཤེགས་པ་ཀརྨ་ཧེ་རུ་ཀ་དང་། དེ་རྣམས་ཀྱི་ཡུམ་རྣམས་དང་། གནས་དང་ཡུལ་ལ་སོགས་པའི་མ་མོ་རྣམས་དང་། སྒོ་མའི་ཚོགས་དང་། གསང་བའི་ཡུམ་བཞི་དང་། གཞན་ཡང་དཔལ་གཟུགས་ཀྱི་ལྷ་མོ་དང་། སྒྲའི
89a3 ལྷ་མོ་དང་། དྲིའི་ལྷ་མོ་དང་། རོའི་ལྷ་མོ་དང་། རེག་གི་ལྷ་མོ་དང་། ཆོས་ཀྱི་ལྷ་མོ་ལ་སོགས་པའི་ཚོགས་རྣམས་དང་ཐབས་ཅིག་ཏུ་བཞུགས་སོ།། དེ་ནས་བཅོམ་ལྡན་འདས་བཛྲ་ཀཱི་ལ་ཡ་ཆེན་པོ་དེས། ལོངས་སྤྱོད
89a4 རྫོགས་པའི་སྐུའི་ཆ་འཛིན་པར་གནས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཐམས་ཅད། རང་གི་འོད་ཀྱིས་སྣང་བར་བྱས་ནས། ཁྲོ་གཉེར་གྱི་ཞལ་འཛུམ་པ་མཛད་ནས། གདུག་པ་ཅན་ཟིལ་གྱིས
89a5 གནོན་པའི་ཏིང་ངེ་འཛིན་ལ་སྙོམས་པར་ཞུགས་ནས་མནལ་ལོ།། ཀྱེ་ཀྱེ་ཁྱོད་ནི་ཁམས་གསུམ་ཐམས་ཅད་སྒྲོལ་བའི་ཐུགས་རྗེ་ཅན།། སྒྲོལ་བའི་སྟོབས་ཀྱི་བྱམས་པས་ཀུན་ལ་སྦྱོར།། གཉིས་མེད་གནས་སུ་སྟོབས
89a6 པས་དགའ་བ་ཀུན་གྱི་མཆོག། ཆོས་ཉིད་དབྱིངས་སུ་སྐྱོལ་བས་བཏང་སྙོམས་ཆེན་པོ་པ།། ཞེས་གསོལ་པས་དཔལ་ཀཱི་ལ་ཡ་ཆེན་པོ་དེ་ཞལ་གསུམ་ཕྱག་དྲུག་པ། ཞབས་བཞི་པ་སྐུ་ལ་དུར་ཁྲོད་ཀྱི་ཆས་ཀྱིས་བརྒྱན་པ།
iiif viewer powered by OpenSeadragon
