| e-texts navigator |
| Wylie |
88a1 བ་སྐུ་གསུང་ཐུགས་རྡོ་རྗེ་ལ་སྙོམས་པར་ཞུགས་པར་མཛད་དོ།། འཁོར་རྣམས་ལ་གཟིགས་ནས་ཅང་མི་གསུང་བར་སྣང་ངོ་།། དེ་ནས་དེ་བཞིན་གཤེགས་པའི་འཁོར་དང་།། བྱང་ཆུབ་སེམས་དཔའི
88a2 འཁོར་དང་།། ཆོ་འཕྲུལ་དང་རྫུ་འཕྲུལ་འབར་བའི་འཁོར་རྣམས་ཀྱང་སྟོན་པའི་བྱིན་རླབས་ཀྱིས། སྐུ་གསུང་ཐུགས་རྡོ་རྗེ་ལ་ཞུགས་སོ།། ཞུག་པས་དེ་བཞིན་གཤེགས་པ་ཐམས་ཅད་ཆོས་ཉིད་མཉམ་པ་ཉིད་དུ་དབྱེར
88a3 མེད་པར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་སྣང་བའི་དགོངས་པ། འཇིག་རྟེན་སྣང་བྱེད་ལས། ཡོངས་སུ་གཏད་པའི་ལེའུ་སྟེ་ཉི་ཤུ་རྩ་བདུན་པའོ།། །། དེ་བཞིན་གཤེགས་པ་ཐམས
88a4 ཅད་ཀྱི་གསང་བ་དམ་པ་གསང་ཆེན་ལས། འཇིག་རྟེན་སྣང་བྱེད་རྫོགས་སོ།། །། རྒྱ་གར་གྱི་མཁན་པོ་ཛྙཱ་ན་གརྦྷ་དང་། ཞུ་ཆེན་གྱི་ལོ་ཙཱ་བ་བཻ་རོ་ཙ་ནས་གཏན་ལ་ཕབ་པའོ།། ཀ་ཅོ་ཞང་གསུམ་གྱིས་ཀྱང་ཞུས་ཏེ
88a5 དག།། @#།། རྒྱ་གར་སྐད་དུ། ཏནྟྲ་རཱ་ཛ་བཛྲ་མ་ལེ་ནཱ་མ། བོད་སྐད་དུ། རྒུད་ཀྱི་རྒྱལ་པོ་རྡོ་རྗེ་ཕྲེང་བ་ཞེས་བྱ་བ། དཔལ་འཇིགས་བྱེད་ཀྱི་ཚོགས་ལ་ཕྱག་འཚལ་ལོ།། འདི་སྐད་བདག་གིས་ཐོས
88a6 པའི་དུས་གཅིག་ན། བཅོམ་ལྡན་འདས་བཛྲ་ཀཱི་ལ་ཆེན་པོ་དེས། སྐུ་དང་གསུང་ཐུགས་མི་བཟད་པ་དྲག་པོ་རྡོ་རྗེ་སྙིང་པོ། དེ་བཞིན་གཤེགས་པ་ཐམས་ཅད་ཀྱི་བདག་པོར་གྱུར་པ། ཀུན་གྱི་གཙོ་བོར་གྱུར་པ། གཏུམ
iiif viewer powered by OpenSeadragon
