| e-texts navigator |
| Wylie |
87b1 དང་།། རང་གཞན་དག་གི་སྐྱེ་བོ་རྣམས།། གང་གིས་འདིར་དད་གྱུར་པ་ལ།། དམ་པ་འདི་ལ་བསྟན་པ་ཡིན།། དེ་ནས་བཅོམ་ལྡན་འདས་ཀཱི་ལ་ཡའི་རྒྱལ་པོ་ལ། འཁོར་དེ་དག་ཐམས་ཅད་ཀྱིས། མགྲིན་གཅིག་དང
87b2 དབྱངས་གཅིག་ཏུ་འདི་སྐད་བསྟོད་པའོ།། སྐུ་གསུང་ཐུགས་ཀྱི་བདག་པོ་མཆོག། སྐུ་གསུང་ཐུགས་ཀྱི་སྙིང་པོའི་བདག། སྐུ་གསུང་ཐུགས་ཀྱིས་ཀུན་ལ་ཁྱབ། བདག་ཅག་ཀུན་གྱིས་མཐོང་ཕྱག་འཚལ།། དེ་བཞིན
87b3 གཤེགས་པ་ཐམས་ཅད་ཀྱི།། ཡང་དག་ཡེ་ཤེས་རྟོགས་འཛིན་པ།། རབ་ཏུ་མོས་པས་དུས་གསུམ་དུ།། དཔའ་བོ་ཁྱོད་ལ་བདག་ཕྱག་འཚལ།། བྱང་ཆུབ་སྙིང་པོ་ཅན་རྣམས་ཀྱིས།། དོན་དེ་ཉན་ཅིང་འཛིན་དང
87b4 འཆང་།། བསྒོམས་ནས་གཞན་ལ་སྟོན་པ་ནི།། སྟོན་པ་བཞིན་དུ་བདག་ཕྱག་འཚལ།། ཡང་དག་ཡེ་ཤེས་རྒྱུད་རྒྱལ་འདི།། མཐོང་དང་མོས་དང་འབྲི་དང་ཉན།། གང་གིས་མིང་ཙམ་འཛིན་པ་ཡང་།། སྟོན་པ་བཞིན་དུ
87b5 བདག་ཕྱག་འཚལ།། ཏོན་པ་བསྟན་པ་བླ་མེད་ལས།། མགུར་གྱི་བུམ་པར་དྲིལ་ནས་སུ།། ལྗགས་ཀྱི་དབང་པོར་བཀྲམ་བྱས་ཏེ།། ཡི་གེ་ཆོས་རྣམས་ཀུན་གྱི་རྒྱུ།། སྟོན་པ་བཞིན་དུ་བདག་ཕྱག་འཚལ།། ཞེས་གསོལ
87b6 ཏོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཀཱི་ལ་ཡའི་བདག་པོ་དེ་ཉིད་ཀྱིས་འཁོར་ལ་ཤིན་ཏུ་དགའ་བར་གྱུར་ཏེ། ཆོས་ཐམས་ཅད་སྒྱུ་མའི་དཔེ་བརྒྱད་དང་འདྲ་བར་མཐོང་ནས། སྐུ་གསུང་ཐུགས་ཀྱི་སྣང
iiif viewer powered by OpenSeadragon
