| e-texts navigator |
| Wylie |
87a1 དང་སྒོམ་པ་དང་།། དེ་བཞིན་གཤེགས་པའི་ངོ་བོ་ཉིད།། བླ་མེད་བྱང་ཆུབ་ཐོབ་པར་འགྱུར།། གང་ཞིག་འདི་ལ་མོས་གྱུར་པ།། རྒྱལ་བ་རྣམས་ཀྱིས་རབ་བསྔགས་པ།། ཡོན་ཏན་ཐམས་ཅད་འབྱུང་བར
87a2 འགྱུར།། ས་ཡི་ཁྱད་པར་བགྲོད་ནས་ནི།། བདེ་བ་ཆེན་པོ་འབྱུང་བ་ཡིན།། སངས་རྒྱས་ཀུན་གྱི་བྱང་ཆུབ་སེམས།། སྐུ་གསུང་ཐུགས་ཀྱི་གསང་བ་རྣམས།། རྟོགས་ཤིང་འཛིན་པར་བྱེད་པ་དང་།། རྟག་ཏུ་འཆང་བ་གང
87a3 ཡིན་པ།། དེ་ཉིད་ང་དང་འདྲ་བས་ན།། སྐུ་གསུང་ཐུགས་ཀྱི་དབང་རྣམས་དང་།། གསང་བའི་དོན་དུ་བསྟན་པ་ཡིན།། དངོས་པོ་རྣམས་ཀྱི་དམ་ཚིག་ཀྱང་།། མཐོང་བཞིན་རྟོགས་ན་རྟོགས་པ་ཡིན།། དེ་བཞིན་གཤེགས
87a4 པའི་དེ་བཞིན་མཆོག། དེ་བཞིན་ཉིད་དུ་གནས་བཅས་ནས།། མུ་སྟེགས་ལ་སོགས་སྐལ་མེད་བཞིན།། མགོན་པོ་ཀུན་གྱི་ཐུགས་རྗེ་ཡིས།། ལས་འཕྲོ་ཅན་དང་འཕྲད་པར་ཤོག། གང་གི་དེ་བཞིན་གནས་འགྱུར་བ།། དེ
87a5 བཞིན་མཐོང་བ་དེ་བཞིན་གཤེགས།། དེ་བཞིན་ཉིད་ཀྱང་དབྱིངས་ཉིད་ལས།། རྩོལ་བ་མེད་པའི་རྩོལ་སེམས་དང་།། དམིགས་པ་མེད་པའི་དམིགས་སེམས་དང་།། བསྒོམས་དུ་མེད་པའི་བསྒོམ་པ་ཡིས།། ཤེས་རབ
87a6 རྣམ་གསུམ་བདག་ཉིད་ཅན།། ས་ལམ་ཡེ་ཤེས་ཐོབ་འགྱུར་བས།། ཡེ་དག་ཡེ་ཤེས་མཐོང་འགྱུར་བ།། དེ་ནི་ལྷུན་གྱིས་གྲུབ་པ་ཡིན།། དེ་བཞིན་གཤེགས་པས་རབ་བསྔགས་པས།། འཕགས་པ་བྱིས་པའི་སྐྱེ་བོ
iiif viewer powered by OpenSeadragon
