| e-texts navigator |
| Wylie |
86b1 སུམ་ཚོགས་པའི་བྱེ་བྲག་བསྟན་པའི་ལེའུ་སྟེ་ཉི་ཤུ་རྩ་དྲུག་པའོ།། །། དེ་ནས་བཅོམ་ལྡན་འདས་ཀྱིས་མཆོག་ཏུ་དགའ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེ་བཞིན་གཤེགས་པ་ཐམས་ཅད
86b2 དང་། བྱང་ཆུབ་སེམས་དཔའ་ཆེན་པོ་རྣམས་ལ། སྔགས་ཀྱི་རྒྱལ་པོ་འདི་བསྟན་པར་ཟུང་ཞིག་ཅེས་ཆེད་དུ་བརྗོད་པ་འདི་ཆེད་དུ་བརྗོད་དོ།། ཨེ་མ་སངས་རྒྱས་ཐམས་ཅད་ཀྱི། བྱང་ཆུབ་ཆེན་པོ་བླ་ན་མེད།། འདའ་ཀ།
86b3 དེ་བཞིན་གཤེགས་པ་ཡི།། རྒྱལ་པོའི་ཕྱག་རྒྱ་མཆོག་གི་རྟགས།། འདའ་བར་མི་མཛད་དམ་ཚིག་མཆོག། ཕྱོགས་བཅུ་དུས་གསུམ་དེ་བཞིན་གཤེགས།། དེ་བཞིན་གཤེགས་པའི་ངོ་བོ་ཉིད།། བྲག་ཁུང་ཁ་ནི་བྱང་དུ
86b4 བལྟ།། ཉི་མ་འཆར་བའི་སྐབས་མེད་ལྟར།། སོ་སོར་སྨིན་ཅིང་སྡུག་བསྔལ་བ།། གྲོལ་བར་བྱ་ཕྱིར་བླ་མེད་གནས།། བསྟན་ཕྱིར་ལོངས་སྤྱོད་རྫོགས་པར་བསྟན།། ལྕང་ལོ་ཅན་གྱི་གནས་མཆོག་ཏུ།། མགོན་པོ་ཀུན་ལ
86b5 སྙོམས་པ་ངས།། རྡོ་རྗེའི་འཁོར་ལོ་བསྐོར་བ་ལས།། ལྗགས་ཀྱི་དབང་པོར་བདར་ནས་ནི།། ཆོས་རྣམས་ཀུན་གྱི་སྙིང་པོ་འདི།། ཀུན་གྱི་དོན་དུ་གསུངས་པ་འདི།། འཁོར་གྱི་བྱང་ཆུབ་སེམས་དཔའ་དང་།། སངས་རྒྱས
86b6 དེ་བཞིན་གཤེགས་པ་རྣམས།། རྣལ་འབྱོར་དོན་ནི་བསྟན་པར་ཟུང་།། སོ་སོའི་སྐྱེ་བོ་ཇི་སྙེད་པ།། ཡི་གེ་འདྲི་མཆོད་སྦྱིན་པ་དང་།། ཉན་དང་འཛིན་དང་ཀློག་པ་དང་།། འཆང་དང་ཁ་ཏོན་བྱེད་པ་དང་།། དེ་སེམས་པ
iiif viewer powered by OpenSeadragon
