| e-texts navigator |
| Wylie |
86a1 པ་འདུལ།། སྤྲུལ་པའི་བྱིན་རླབས་ཕྱོགས་བཅུར་སྤྲིན་ལྟར་གཏིབས།། ཐུགས་རྗེ་རྩེ་གཅིག་བྲེང་བྲེང་རྒྱུན་མི་དགོངས། ཨོཾ་བཛྲ་ཀཱི་ལ་ཀི་ལ་ཡ་སརྦ་བིགྷྣཱཾ་བཾ་ཧཱུཾ་ཧཱུཾ་ཕཊ། ཅེས་བསྟོད་དོ།། དེ་བཞིན
86a2 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ་འཇིག་རྟེན་སྣང་བྱེད་ལས། ཀི་ལ་ཡ་ལ་བསྟོད་པའི་ལེའུ་སྟེ་ཉི་ཤུ་སྟེ་རྩ་ལྔ་པའོ།། །། དེ་ནས་ཡང་བཅོམ་ལྡན་འདས་ལ་གསང་བའི་བདག
86a3 པོས་ཞུས་པ། ཆོས་ཀྱི་ཕུང་པོ་ཡང་མང་པོར་བཤད་དུ་གསོལ། སྟོན་པའི་ཕུང་པོ་མང་པོ་ཡང་བཤད་དུ་གསོལ། གནས་ཀྱི་ཕུང་པོ་ཡང་བཤད་དུ་གསོལ། འཁོར་གྱི་ཕུང་པོ་མང་པོ་ཡང་བཤད་དུ་གསོལ། དུས་ཀྱི་ཕུང
86a4 པོ་མང་པོ་ཡང་བཤད་དུ་གསོལ། ཞེས་གསོལ་ཏོ།། ཆོས་ཀྱི་ཕུང་པོ་བཀའ་སྩལ་པ། ཆོས་ཀྱི་ཕུང་པོ་ནི་གསུམ་སྟེ། ལུང་དང་རྒྱུད་དང་མདོའོ།། སྟོན་པའི་ཕུང་པོ་ནི་གསུམ་སྟེ། སྐུ་གསུམ་གྱི་བྱེ་བྲག་གོ། གནས་ཀྱི་ཕུང
86a5 པོ་ནི་གསུམ་སྟེ། འོག་མིན་པདྨ་ཅན་གྱི་གནས་དང་། རི་རབ་རིའི་རྩེ་མོ་དང་། མི་ཡུལ་གསེར་གླིང་ལ་སོགས་པའོ།། འཁོར་གྱི་ཕུང་པོ་ནི་གསུམ་སྟེ། ཕྱི་དང་ནང་དང་གསང་བའི་འཁོར་རོ།། དུས་ཀྱི་ཕུང་པོ་ནི་གསུམ
86a6 སྟེ། བྱ་བ་བྱེད་པའི་དུས་དང་། དུས་ཀྱི་མཐའི་དུས་དང་། སྐད་ཅིག་མའི་དུས་སོ།། ཞེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུན
iiif viewer powered by OpenSeadragon
