| e-texts navigator |
| Wylie |
85b1 གྱིས་བརྒྱན།། གཡས་ཀྱི་ཞལ་མདོག་ལྗང་ནག་བསྟན་པ་ནི།། ཕྲིན་ལས་བཅོལ་བ་ཐམས་ཅད་འགྲུབ་པའི་རྟགས།། གཡོན་གྱི་ཞལ་མདོག་དམར་ནག་བསྟན་པ་ནི།། དབང་དྲག་རྣམ་གཉིས་དུས་གཅིག་རྫོགས་པའི
85b2 རྟགས།། སྐྱེ་ཤི་རྩད་ནས་གཅོད་པའི་མཆེ་གཙིགས་ཤིང་།། བདུད་དགྲ་ཉེས་བྱེད་ཐལ་བའི་རྡུལ་དུ་རློག། རྡོ་རྗེ་རྩེ་དགུ་ཕྱག་ན་བསྣམས་པ་ནི།། ས་དགུ་འཇོམས་ཤིང་ཡེ་ཤེས་དགུ་དང་སྦྱོར།། རྡོ་རྗེ་རྩེ་ལྔ་བར་ན
85b3 བསྣམས་པ་ནི།། རྒྱུད་ལྔ་སྦྱང་ཞིང་སྐུ་ལྔར་འདྲེན་པར་མཛད།། རྡོ་རྗེ་ཡེ་ཤེས་མེ་དཔུང་བསྣམས་པ་ནི། ཁམས་གསུམ་འཁོར་བའི་བགས་ཆགས་སྲེག་པར་མཛད།། རྡོ་རྗེ་ཁ་ཊྭཱཾ་ཞིང་ཆེན་བཟུང་བ་ནི།། བདུད
85b4 བཞི་ཐལ་བར་རློག་ཅིང་དབང་དུ་སྡུད།། རྡོ་རྗེ་རི་རབ་ཕུར་བུ་འདྲིལ་ཞིང་འདེབས།། འགལ་བྱེད་མ་ལུས་ཐམས་ཅད་སྒྲོལ་བའི་རྟགས།། གླང་ཆེན་སྟག་ལྤགས་ཞིང་ཆེན་རྒྱན་གྱིས་བརྒྱན།། ཆེ་བཙན་དཔེ་མེད་ཁམས
85b5 གསུམ་རྒྱལ་པོར་བསྟོད།། ཐོད་སྦྲུལ་ལ་སོགས་སྐུ་ལ་བརྒྱན་པ་ནི།། གདུག་པ་ཐམས་ཅད་ཟིལ་གྱི་མནོན་པར་མཛད།། བསྐལ་པའི་མེ་དཔུང་འབར་བའི་ཀློང་ན་བཞུགས་པ་ནི།། དུག་དང་བག་ཆགས་ངན་པ་བསྲེག
85b6 པའི་རྟགས།། རྔམ་པའི་ཞལ་ནས་ཧཱུཾ་སྒྲ་འབྲུག་སྟོང་སྒྲོགས་པ་ནི།། བདུད་དང་སྲིན་པོའི་སྒྲ་སྐད་ཟིལ་གྱིས་མནོན།། ཞབས་གཉིས་བརྐྱང་བསྐུམ་ཚུལ་དུ་དབྱིངས་དང་སྦྱོར།། ཞབས་གཉིས་གྱད་ཀྱི་དོར་ཐབས་གདུག
iiif viewer powered by OpenSeadragon
