| e-texts navigator |
| Wylie |
85a1 ལས།། ཉལ་བ་རྒྱུན་གྱི་ཏིང་འཛིན་ནི།། དྲུག་པོ་བཀག་ནས་ཉལ་བའི་ཚེ།། འོད་གསལ་མཐོང་བར་ང་ཡིས་བཤད།། སྐུ་གསུང་ཐུགས་ཀྱི་དམ་ཚིག་དང་།། ཡན་ལག་ཉི་ཤུ་རྩ་བརྒྱད་ཉིད།། དམ
85a2 ཚིག་ཀུན་གྱི་གཞི་དང་རྩ།། སྤྱོད་པ་སྡོམ་རྩོལ་སྤྱད་ཀྱང་།། ལྟ་བ་མ་ཉམས་དམ་ཚིག་ཡིན།། མོ་རྣམས་ཀུན་ལ་སྨད་མི་བྱ།། གདོལ་པ་མོ་ཡང་དང་དུ་བླང་། ཁྱད་པར་རིགས་ཅན་གཅེས་པར་གཟུང་།། དེ་ཡང་དམ་ཚིག
85a3 རྩ་བ་ཡིན།། སྔགས་དང་ཕྱག་རྒྱ་རྒྱུན་མི་གཅད།། དེ་ཡང་དམ་ཚིག་རྩ་བ་ཡིན།། ཏན་གཎ་སྤྱོད་པ་རྒྱུན་དུ་སྤྱོད།། དེ་ཡང་དམ་ཚིག་རྩ་བ་ཡིན།། ཞེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང
85a4 དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། མདོའི་དམ་ཚིག་བསྟན་པའི་ལེའུ་སྟེ་ཉི་ཤུ་རྩ་བཞི་པའོ།། །། དེ་ནས་ཡང་འདུས་པ་རྣམས་ཀྱིས། བཅོམ་ལྡན་འདས་ལ་འདི་སྐད་ཅེས་བསྟོད་དོ།། དམར
85a5 ནག་གྲུ་གསུམ་འབར་བའི་དཀྱིལ་འཁོར་ནས།། བསྐལ་པའི་མེ་ལྟར་འབར་བའི་སྐུར་བསྟན་པ།། ཤིན་ཏུ་མི་བཟད་དཔལ་ཆེན་རྡོ་རྗེའི་སྐུ།། ཞེ་སྡང་ཐུགས་མཆོག་ཡཀྵ་ཧེ་རུ་ཀ། ཡེ་ཤེས་སྐུ་མཆོག་རིག་འཛིན་འཁོར
85a6 གྱིས་བརྒྱན།། དམིགས་མེད་ཐུགས་ནི་དོན་དམ་དབྱིངས་ན་གསལ།། གསུང་གི་ང་རོ་སྟོང་གསུམ་གང་བར་སྒྲོགས།། སྤྲུལ་པའི་བྱིན་རླབས་ཁྲོ་བཅུ་དབྱིངས་ནས་འགྱེད།། སྐུ་མདོག་མཐིང་ནག་འཇིགས་པའི་རྒྱན
iiif viewer powered by OpenSeadragon
