| e-texts navigator |
| Wylie |
84b1 རྒྱས་བྱ་བ་སངས་རྒྱས་ཡིན།། དེ་བཞིན་གཤེགས་པ་ཐམས་ཅད་ཀྱི་དགོངས་པ་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས་ཟག་པ་མེད་པ་སངས་རྒྱས་བསྟན་པའི་ལེའུ་སྟེ་ཉི་ཤུ་རྩ་གསུམ
84b2 པའོ།། །། དེ་ནས་ཡང་གསང་བའི་བདག་པོས་བཅོམ་ལྡན་འདས་ལ་གསོལ་པ། ཀྱེ་བདག་ཅག་ཡོངས་ལ། བདག་དང་གཞན་ལ་སྤོབས་པ་བསྐྱེད་དུ་གསོལ། དགའ་བ་བསྐྱེད་དུ་གསོལ། བཀའ་སྩལ་པ།
84b3 སེམས་ཅན་རྣམས་ལ་ཕན་པའི་དོན་ངས་བཤད་པར་བྱའོ།། ཁྱེད་ཅག་དག་དགའ་བ་བསྐྱེད་པར་གྱིས་ཤིག། སྔགས་མཁན་དགའ་བ་སྐྱེད་པའི་ཕྱིར། ཁྱད་པར་གྱི་དམ་ཚིག་དང་། ཁྱད་པར་གྱི་ལྟ་བ་དང་། ཁྱད་པར
84b4 གྱི་སྤྱོད་པ་དང་། ཁྱད་པར་གྱི་ཏིང་ངེ་འཛིན་བསྟན་པར་བྱའོ།། ཁྱད་པར་གྱི་དམ་ཚིག་བསྟན་པ་ནི། སློབ་དཔོན་སྨད་པར་མི་བྱ་སྟེ།། ངན་སོང་གསུམ་ལས་ཐར་མི་འགྱུར། ཁྱད་པར་ལྟ་བ་བསྟན་པ་ནི།། ཅི་ཡང་མེད
84b5 པའི་སེམས་ཉིད་ལ།། བཅོས་སུ་ཡོད་པར་ངས་མ་བསྟན། ཁྱད་པར་སྤྱོད་པ་བསྟན་པ་ནི།། རིག་མ་དག་ལ་སྤྱོད་པ་སྟེ།། བཟའ་བའི་ཟས་ལ་སྔགས་ལ་བཟླས་ལ།། དམ་ཚིག་ཅན་རྣམས་སྤྱན་དྲངས་ཏེ།། གདུག་པ
84b6 རྣམ་གཉིས་ཚོགས་ལ་བསྟིམ། ཁྱད་པར་ཏིང་འཛིན་བསྟན་པ་ནི།། སྤྱི་བོ་ཧཾ་ལ་མགྲིན་པར་ཧྲཱིཿ། སྙིང་གར་ཧཱུཾ་ལ་ལྟེ་བར་ཨོཾ།། ཡི་གེ་གང་ཡིན་ཡན་ལག་ལ།། ཐབས་ཀྱི་སྦྱོར་བས་འོད་དུ་ཞུ།། དེ་ཉིད་ཡོངས་སུ་ཁྱབ་པ
iiif viewer powered by OpenSeadragon
