| e-texts navigator |
| Wylie |
84a1 པའོ།། ང་ཡང་སུས་ཀྱང་མ་མཐོང་སྟེ།། ང་མཐོང་ཟེར་བ་སུ་ཡིས་མཐོང་།། དེ་ཡིས་པ་ནི་མཐོང་མི་འགྱུར།། རང་རིག་ཡེ་ཤེས་བྱ་བ་ནི།། སེམས་ཅན་ཀུན་ལ་མཉམ་པར་གནས།། དེ་ཉིད་མཐོང་ན
84a2 མཐོང་བ་ཡིན།། མིས་ཀྱང་མི་ལ་མཐོང་བ་མེད།། དེ་བཞིན་ལྷ་ལ་སོགས་པས་ཀྱང་།། སངས་རྒྱས་གང་ཡང་མཐོང་བ་མེད།། སྟོང་པ་ཉིད་ཀྱི་དོན་རྟོགས་ན།། སངས་རྒྱས་སངས་རྒྱས་མཐོང་བ་ཡིན།། སེམས་ལ
84a3 སེམས་ཀྱིས་བལྟས་པས་ན།། མཐོང་བ་མེད་ན་མཐོང་བའི་མཆོག། དེ་ཡི་བསྒོམ་པ་བསྒོམ་པ་མིན།། བསྒོམ་དུ་མེད་ན་སྒོམ་པའི་མཆོག། དེ་བཞིན་བརྗོད་དུ་ཡོད་མ་ཡིན།། བརྗོད་དུ་མེད་ན་བརྗོད་པའི་མཆོག། དེ
84a4 བཞིན་བལྟ་རུ་ཡོད་མ་ཡིན།། བལྟ་རུ་མེད་ན་ལྟ་བའི་མཆོག། དེ་བཞིན་བསམ་དུ་ཡོད་མ་ཡིན།། བསམ་དུ་མེད་ན་བསམ་པའི་མཆོག། སངས་རྒྱས་སངས་རྒྱས་ཞེས་བྱ་བ།། མཚན་དང་དཔེ་བྱད་མེད་པ་ཡིན།། ངག
84a5 ང་གསུང་དབྱངས་མེད་པ་ཡིན།། ཚིག་དང་ཐ་སྙད་མེད་པ་ཡིན།། སེམས་དང་དྲན་རྟོག་མེད་པ་ཡིན།། ཐུགས་དང་བསམ་དུ་མེད་པ་ཡིན།། ལས་དང་དཀྱིལ་འཁོར་མེད་པ་ཡིན།། འཁོར་བ་མྱ་ངན་འདས་པ
84a6 མེད།། ཟུང་དང་ཟུང་དུ་འཇུག་པ་མེད།། དོན་དམ་ཀུན་རྫོབ་བྱ་བ་མེད།། ཐབས་དང་ཤེས་རབ་བྱ་བ་མེད།། སྐྱེས་པ་བུད་མེད་བྱ་བ་མེད།། ཉིན་མོ་མཚན་མོ་བྱ་བ་མེད།། དེ་ལྟར་ཐམས་ཅད་མེད་མཐོང་ན།། སངས
iiif viewer powered by OpenSeadragon
