| e-texts navigator |
| Wylie |
83b1 ཀྱིས།། རྣམ་པར་གྲོལ་བའི་ལམ་དུ་གྲགས།། ལམ་མཆོག་རྒྱལ་བ་མངོན་པ་འདི།། ཉན་དང་འཆད་དང་ཀློག་པ་དང་།། དེ་བཞིན་ཡི་གེ་འབྲི་མཆོད་དང་། ཁ་ཏོན་སྦྱིན་པ་བསྒོམ་པ་རྣམས།། རྣལ་འབྱོར་རབ་ཀྱི་སྐལ་བ
83b2 སྟེ།། ངན་སོང་གསུམ་ལས་རྣམ་པར་ཐར།། རྒྱུ་མཐུན་འབྲས་བུ་དེར་བཞག་ནས།། སྐྱེ་བས་མཐོང་བའི་གང་ཟག་ལ།། སྲིད་པ་ཐ་མ་སྐྱེ་བར་འགྱུར།། གང་གིས་འདི་ལ་མཉམ་གཞག་ན།། ས་རྣམས་ཀྱི་ནི་མིང་ཡང
83b3 མེད།། རྣམ་པར་ཤེས་པ་ཡེ་ཤེས་མཆོག། ཟབ་མོའི་དོན་རྣམས་མཐོང་གྱུར་ཏེ།། སྐུ་གསུམ་བདེ་བ་མངོན་བྱང་ཆུབ།། མྱ་ངན་མི་འདའ་མི་བཀྲི་དྲང་།། འདི་ལས་གཤེགས་པའི་གནས་མེད་དོ།། དུས་གསུམ་རྒྱལ
83b4 བ་ཐམས་ཅད་ཀྱང་།། ཆོས་ཀྱི་སྐུ་ལས་ཡོངས་མི་འདའ།། ཆོས་སྐུའི་ཡོན་ཏན་ཆེན་པོ་ནི།། གང་ཞིག་རྒྱལ་བའི་ཞིང་གི་ཁྱོན།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག
83b5 རྟེན་སྣང་བྱེད་ལས།། ལམ་གསང་བའི་མན་ངག་གི་དངོས་གྲུབ་བསྟན་པའི་ལེའུ་སྟེ་ཉི་ཤུ་རྩ་གཉིས་པའོ།། དེ་ནས་བཅོམ་ལྡན་འདས་ཀྱིས་ཆེད་དུ་བརྗོད་པ་འདི་བརྗོད་དོ།། འཇིག་རྟེན་དག་གི་མི་རྣམས
83b6 ཀྱིས།། སངས་རྒྱས་གཟུགས་ནི་མཐོང་མི་འགྱུར།། དེ་བཞིན་ཉིད་ལ་སོགས་པ་ཡང་།། བལྟས་ནས་མཐོང་བ་མ་ཡིན་ཏེ།། སོ་སོའི་ལས་ཀྱིས་དེ་ལྟར་མཐོང་།། གལ་ཏེ་ཇི་སྙེད་མཐོང་ན་ནི།། དེ་ཉིད་རྒྱལ་བ་དམ
iiif viewer powered by OpenSeadragon
