| e-texts navigator |
| Wylie |
82b1 འབྱུང་བས།། ཆོས་ཀྱི་སྐུ་ཡི་བདག་ཉིད་པས།། ཤེས་རབ་ཡེ་ཤེས་གང་ཡིན་པས།། བར་ཆད་མེད་པའི་ལམ་དུ་འགྲོ།། གསུམ་པ་ཤེས་རབ་ཡེ་ཤེས་དབང་།། ཐུན་མོང་མཚན་དང་རྣམ་ལྡན་པ།། རྣམ་པ་གཉིས་སུ
82b2 འགྱུར་བས་ན།། ཕྱོགས་མཚམས་དག་ནི་རིགས་རྣམས་ཀྱང་།། ས་བོན་གཉིས་ཀྱི་མཚན་མ་སྟེ། ལྟེ་བ་ལ་ནི་ཡི་གེ་ཨོཾ།། སྡུག་བསྔལ་བདག་ཉིད་ལྡན་པས་ན།། སྤྲུལ་པ་དོན་མཛད་གང་ཡིན་པ།། འཁོར་ལོ་ཚོགས་ཆེན
82b3 བཞི་པའི་དབང་།། མྱ་ངན་མི་འདའ་ཐུགས་རྗེ་ཡིས།། སྐུ་གསུམ་ལྷུན་གྱིས་གྲུབ་པའོ།། རྩ་ནི་ཆུ་ཡི་ཁམས་ཡིན་ཏེ།། བྱང་ཆུབ་སེམས་ཀྱིས་གང་བར་གནས།། དེ་སྙེད་རྣམ་པ་ཇི་སྙེད་པའང་།། སུམ་བརྒྱ་དྲུག་ཅུ་ཡང
82b4 དག་གནས།། བྱང་ཆུབ་སེམས་ནི་སྤྲིན་གྱི་ཁམས།། ཐབས་ཀྱི་ཆོ་གས་ཀུན་ཏུ་རྒྱུག། རང་བྱུང་ཡེ་ཤེས་བྲག་ཡིན་ཏེ།། ཀུན་འདར་ཁ་ཕྱེ་འོད་གསལ་མཐོང་།། ཕྲ་མོའི་ཐིག་ལེ་ནཱ་ད་དང་།། འོད་ནི་སངས་རྒྱས་ཐམས
82b5 ཅད་ཀྱིས།། བྱང་ཆུབ་ཆེན་པོ་བླ་ན་མེད།། སྐུ་གསུང་ཐུགས་ཀྱི་སྦྱོར་བ་ཡིས།། སྔགས་ལ་དམིགས་པ་ཐོབ་པར་འགྱུར།། སྔགས་ལ་དམིགས་པའི་སྦྱོར་བ་ཡིས།། སྟོང་ཉིད་ཡེ་ཤེས་མཐོང་བར་བྱེད།། སྔགས་ལ
82b6 དམིགས་པའི་རང་བཞིན་གྱིས།། ཐབས་ཀྱི་བྱེ་བྲག་མང་པོ་ནི།། བསམ་གྱིས་མི་ཁྱབ་མན་ངག་སྟེ།། མེ་དང་རླུང་གི་སྦྱོར་བ་ཡིས།། དང་པོ་དགའ་བ་བསྐྱེད་པར་བྱེད།། གཉིས་པ་དགའ་བའི་དགའ་བ་བསྐྱེད།། གསུམ
iiif viewer powered by OpenSeadragon
