| e-texts navigator |
| Wylie |
82a1 སྟེ།། ཡན་ལག་བཞི་དང་རབ་ཏུ་འབྲེལ།། དེ་དང་དཀྱིལ་འཁོར་བཞི་རུ་འབྲེལ།། དཀྱིལ་འཁོར་བཞི་ནི་བརྟན་པར་བྱ།། བདག་གི་བསམ་པ་རྫོགས་པ་དང་།། རླུང་གི་བསམ་པ་ཡང་དག་བྱ།། རླུང
82a2 བཅིང་བྱ་བ་མ་གཏོགས་པར།། བསམ་གཏན་བྱ་བ་ཡོད་མ་ཡིན།། དེ་ལྟར་རང་ཉིད་བྱིན་བརླབས་པས།། སྦྱོར་བའི་ཆོ་ག་ལས་བྱུང་བའི།། འཁོར་ལོ་བཞི་རྣམས་རབ་ཏུ་དམིགས།། ཆོས་དང་ལོངས་སྤྱོད་སྤྲུལ་པ
82a3 རྣམས།། བདེ་བ་ཆེན་པོའི་འཁོར་ལོའོ།། པདྨ་འདབ་མ་ལས་བྱུང་བའི།། ས་བོན་ཡི་གེ་རྣམས་ཀྱིས་མཚན།། སུམ་བཅུ་རྩ་གཉིས་མཚན་འཆང་ལ།། ཁྲོ་བདག་འཇིགས་པའི་ཡི་གེ་དང་།། དང་པོའི་ཡི་གེ་ཧཾ་གིས
82a4 མཚན།། དེ་ཉིད་འགོག་པ་བདེ་བའི་ལམ།། དེ་ནི་བདེ་བ་ཆེན་པོའི་སྐུ།། དེ་ཉིད་སྨིན་པར་བྱེད་པ་ཡི།། དང་པོ་བུམ་པའི་དབང་དུ་གསུངས།། ཚོགས་ཀྱི་ལམ་དང་སྦྱོར་བའི་ལམ།། དབང་མཆོག་དེ་ལ་གནས
82a5 འོ། འབྲས་བུ་ལམ་གྱི་ཚུལ་འཆང་ན།། ངག་ནི་ཚངས་པའི་གསུངས་དབྱངས་མཚུངས།། ལྟེ་བ་ལ་ནི་ཡི་གེ་ཧྲིཿ།། དེ་ཉིད་ལམ་དུ་གསུངས་པས་ན།། ལོངས་སྤྱོད་རྫོགས་པ་ལོངས་སྤྱོད་སྐུ།། མཐོང་བའི་ལམ་དང
82a6 བསྒོམ་པའི་ལམ།། གསང་བའི་དབང་དུ་ཡང་དག་འགྲོ།། བདེན་པ་བཞི་ཡི་རང་བཞིན་ཅན།། ཐུགས་ཀྱི་ཡེ་ཤེས་རྩེ་གཅིག་པས།། ལྟེ་བ་ལ་ནི་ཡི་གེ་ཧཱུཾ།། ཐབས་དང་ཤེས་རབ་མཐའ་དག་ཏུ།། དེ་བཞིན་རྣམ་པ་ཀུན
iiif viewer powered by OpenSeadragon
