| e-texts navigator |
| Wylie |
80b1 ལ་ལྡོག། དེ་བཞིན་དུ་འབྲིང་པོའི་ཚེས་གསུམ་ལ་ལྡོག། ཐ་ཆུང་གི་ཚེས་གཉིས་ལ་ལྡོག། དེ་བཞིན་དུ་དགུན་ཟླ་ར་བའི་ཚེས་བརྒྱད་ལ་ལྡོག། དེ་བཞིན་དུ་འབྲིང་པོའི་ཉི་ཤུ་དགུ་ལྡོག། དེ་བཞིན་དུ་ཐ་ཆུང་གི་ཉི་ཤུ་བདུན
80b2 ལ་ལྡོག་དེ་ནི་ལྡོག་པའི་སྡེ་པ་སྟེ། སྔགས་མཁན་གྱི་རྟོག་པ་བསལ་བའོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཐེབས་ལྡོག་པའི་ལེའུ་སྟེ་ཉི་ཤུ
80b3 པའོ།། ། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་གསོལ་པ། ཀཱི་ལ་ཡ་ཡི་སྐུ་གདུང་མཆོག། དེ་རིང་བདག་ལ་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། དཀོན་མཆོག་བསྟན་པ
80b4 བཤིག་པ་དང་།། ཚེ་སྲོག་བར་དུ་གཅོད་པ་དང་།། བཀྲག་དང་གཟི་མདངས་ཕྲོག་པ་དང་།། བར་ཆད་བྱེད་པའི་དགྲ་བགེགས་རྣམས།། གྲོ་ག་ལ་ནི་མིང་བྲིས་ལ།། གུར་གུམ་བཟང་པོ་དམེ་ཁྲག་གམ།། ནན་ཏན་ཉིད
80b5 དུ་བྱས་པ་དེ།། དུར་ཁྲོད་སའམ་ཕུང་ཤུལ་ས།། བཀྲ་མ་ཤིས་པའི་ས་ལ་ནི།། དང་པོར་བརྐོ་བའི་ལས་རྣམས་བྱ།། རཀྟ་བདུད་རྩིས་སྦྱངས་པ་ཡིས།། འཇིམ་པ་འབི་འབི་བྱས་པའི་ནང་།། མིང་དང་གཟུགས་དེ་རབ་ཏུ
80b6 བཞུག། ཀཱི་ལ་ཡ་ཡིས་མགོ་དྲངས་ལ།། ཨ་ཀོ་ཊ་ཡས་ཤམ་བུ་བྱས།། མཱ་ར་ཡ་ནི་དབུས་སུ་བཞུག། སྙིང་པོ་རྡོ་རྗེ་གཞོན་དུ་སྟེ།། གློ་འབུར་བཅུ་ནི་ཁྲོ་བོ་བཅུ།། དེ་བཞིན་ཕྲ་མན་ཕྲ་ཐབས་དང་།། སྤྲུལ་པ་རྣམས་ནི་བར
iiif viewer powered by OpenSeadragon
