| e-texts navigator |
| Wylie |
77a1 སྙེད་པ།། དགའ་བ་བཞི་དང་རབ་ཏུ་ལྡན།། བདེ་བ་འཛིན་པ་ཤིན་ཏུ་མཁས།། པདྨ་ཁྭ་ཡི་གདོང་པ་ལ།། བྱང་ཆུབ་སེམས་ནི་ཐིག་ལེར་གནས།། དང་པོར་གནས་པའི་མན་ངག་འདི།། བྱང་ཆུབ་ལམ་དུ
77a2 བདེ་བར་འགྲོ།། དེ་ལྟར་གོམས་ཤིང་རེག་པ་ནི།། བཞི་པའི་དབང་ཉིད་ཡིན་པར་འདོད།། ལམ་བགྲོད་པ་ཡི་རིམ་པའོ།། དེ་བཞིན་གཤེགས་པ་ཐམས་ཅད་ཀྱི་དགོངས་པ། འཇིག་རྟེན་སྣང་བྱེད་ལས། ལམ་གྱི་དབང
77a3 བསྟན་པའི་ལེའུ་སྟེ་བཅུ་དྲུག་པའོ།། ། དེ་ནས་ཡང་གསང་བའི་བདག་པོས་གསོལ་པ། ཀྱེ་བཅོམ་ལྡན་འདས་དྲག་པོ་སྙིང་གཟེར་གདབ་པའི་ཕྱིར།། ཕུར་པའི་མདའ་ཟམ་ཇི་ལྟར་གདགས། ཞེས་གསོལ་པས། ཀཱི་ལ
77a4 ཡ་དེ་དྲག་པོ་འདུལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། དེ་ནས་འབར་བ་ཆེན་པོའི་སྐུ་ཁྲོ་བོ་ཆེན་པོ་རྒྱན་དང་ལྡན་པར་བཞེངས་ནས། བཀའ་སྩལ་པ། བུམ་པའི་ཧཱུཾ་ལས་ཧཱུཾ་བརྒྱུད་དེ།། ཧཱུཾ་ལས་ཧཱུཾ་བརྒྱུད་དེ
77a5 བཞིན་ཧཱུཾ།། སྨག་པོ་གུར་འདྲ་ཡེ་ཤེས་སེམས།། ཀི་ལ་ཡ་ཡི་བཟླས་པ་ལ།། མ་རཱ་ཡ་ཡི་ལས་ཀྱི་སྔགས།། གཅིག་ལ་གཅིག་བརྒྱད་མདའ་ཟམ་གདགས།། ཕར་འཕྲོས་པས་ནི་གཟས་པ་བསྐུལ།། ཚུར་འདུས་བདུན་ཚོ
77a6 གསུམ་ལ་འདུས།། དབང་བསྐུར་བྱིན་རླབས་ལྷག་པར་བཟང་།། དཀར་ནག་མཚམས་སུ་ཐལ་ཕྱུང་སྟེ།། སྐུ་གསུང་ཐུགས་སུ་གཟིམ་མདངས་བསྐྱེད།། བསྙེན་པ་དུས་ཀྱི་དྲག་པོའོ།། བསྙེན་པ་དང་ནི་ཉེ་བསྙེན
iiif viewer powered by OpenSeadragon
