| e-texts navigator |
| Wylie |
75b1 འདས།། སེམས་དང་སེམས་སུ་སྣང་ལས་འདས།། ཆོས་དང་ཆོས་སུ་སྣང་ལས་འདས།། སྟོང་པ་ཉིད་ནི་སྟོང་ལས་འདས།། དེ་བཞིན་ཉིད་ཀྱང་མཐའ་ལས་འདས།། ཆོས་ཀྱི་དབྱིངས་ལས་འདས་པ་ཡང་།། བསམ་དུ
75b2 མེད་པའི་ངང་དུ་འདས།། ཡུལ་དང་ཡུམ་ཅན་གཉིས་སུ་མེད།། ཆོས་དང་ཆོས་ཅན་གཉིས་སུ་མེད།། ཚོར་བ་རིག་ཤེས་གཉིས་སུ་མེད།། ཟླ་བ་ཆུ་ཟླ་གཉིས་སུ་མེད།། བྱ་དང་སྒོ་ང་གཉིས་སུ་མེད།། མཚམས་དང
75b3 བསྲུང་བ་གཉིས་སུ་མེད།། ཟུང་དང་ཟུང་དུ་འཇུག་པ་མེད།། ཉིན་མོ་མཚན་མོ་གཉིས་སུ་མེད།། སྐྱེས་པ་བུད་མེད་གཉིས་སུ་མེད།། གཡས་དང་གཡོན་པ་གཉིས་སུ་མེད།། ཐབས་དང་ཤེས་རབ་གཉིས་སུ་མེད།། མེ
75b4 དང་དུ་བ་གཉིས་སུ་མེད།། ཀུན་རྫོབ་དོན་དམ་གཉིས་སུ་མེད།། ཅེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ།། འཇིག་རྟེན་སྣང་བྱེད་ལས། ཆོས་ཐམས་ཅད་རང
75b5 བཞིན་གྱི་ལྟ་བ་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་གསང་བའི་བདག་པོས། བཅོམ་ལྡན་འདས་ལ་གསོལ་པ། ཀྱེ་ཀྱེ་སངས་རྒྱས་ས་རུ་མངོན་ནས་གསུངས།། གསུངས་པའི་དོན་ནི་ཇི་ལྟར
75b6 ལགས།། ལམ་དང་ས་ལ་བརྟེན་པའི་ཕྱིར།། གང་ཟག་དབང་པོ་རབ་འབྲིང་གི། ཕན་ཚུན་ནུས་པའི་དབང་རྣམས་ཤོད།། ཅེས་གསོལ་ཏོ།། སྨིན་པའི་ལམ་དུ་བསྟེན་པ་ལ།། ཕན་དང་ནུས་ལ་ངས་བཤད་ཀྱིས།། ཉན་པ
iiif viewer powered by OpenSeadragon
