| e-texts navigator |
| Wylie |
75a1 རིང་ཟུང་དང་།། ཐ་སྙད་བརྗོད་པ་ཀུན་དང་བྲལ།། བྲལ་བ་ཡང་དག་ལམ་གྱི་མཆོག། དེ་ནི་སངས་རྒྱས་དངོས་པོ་ཡིན།། སྔགས་དང་ཕྱག་རྒྱ་བྱ་བ་མེད།། དངོས་པོ་ཀུན་ནས་བསམ་པ་ཡིན།། བསམ་དུ
75a2 མེད་པའི་སེམས་ཀྱང་ཡིན།། དེ་ནི་རྩ་བ་སེམས་ཀྱི་མཆོག། ཚིག་དང་ཡི་གེ་དཔེ་ལས་འདས།། ཕྱི་ཡི་དངོས་པོ་ཡང་དག་ཡིན།། ནམ་མཁའ་བཞིན་དུ་དང་བར་མཐོང་།། དེ་ནི་དངོས་གཞི་ཡང་དག་ཡིན།། བྱམས་དང་སྙིང་རྗེ་རྩ་བ
75a3 མེད།། བསྡུ་བའི་དངོས་པོ་གཞག་ཏུ་མེད།། མཚན་དང་དཔེ་བྱད་བལྟ་རུ་མེད།། མཆོད་དང་བསྟོད་པ་བཤགས་སུ་མེད།། བསྒོམ་པར་བྱ་བ་བསྒོམ་དུ་མེད།། སྒོམ་པ་དམིགས་སུ་མེད་པའོ།། དེ་ན་དངོས་པོ་དངོས་མེད
75a4 པར།། བསྒོམ་པ་ཐམས་ཅད་བསྒོམ་དུ་མེད།། སངས་རྒྱས་བྱ་བ་བརྗོད་དུ་མེད།། དེ་བཞིན་ནམ་མཁའ་མཚོན་པའི་དཔེ།། ནམ་མཁའ་ལ་ཡང་ནམ་མཁའ་མེད།། ནམ་མཁའ་གཞལ་དུ་མེད་པ་ལ།། ཆོས་ཉིད་དཔེ་རུ
75a5 གཞག་ཏུ་མེད།། བསམ་པའི་དངོས་པོ་ཀུན་ལས་འདས།། བརྗོད་པའི་ཐ་སྙད་ཀུན་ལས་འདས།། རྫས་དང་དཀྱིལ་འཁོར་ཚིག་ལས་འདས།། དམ་ཚིག་བསྙེན་པ་བསྒྲུབ་ལས་འདས།། གཞལ་ཡས་ཁང་དུ་མེད་པར
75a6 འདས།། ལྷ་ཚོགས་དཀྱིལ་འཁོར་མཐའ་ལས་འདས།། བརྗོད་པའི་ཐ་སྙད་དཔེ་ལས་འདས།། ཐམས་ཅད་ཐམས་ཅད་ཀུན་ལས་འདས།། བྱང་ཆུབ་སེམས་ནི་རང་བཞིན་འདས།། ཕུང་པོ་ཁམས་དང་སྐྱེ་མཆེད
iiif viewer powered by OpenSeadragon
