| e-texts navigator |
| Wylie |
74b1 དང་གསལ་བའི་ཡི་གེ་ལ།། ཡང་སྙིང་གསལ་བར་གསལ་བར་བྱ།། དེ་བཞིན་གཤེགས་པའི་དགོངས་པ་ཡིས།། མཐའ་ཡས་མཆོག་གི་ཡི་གེ་རྣམས།། བཏུས་པས་སྔགས་མཁན་དག་པར་འགྱུར།། རྒྱུད་རྣམས་ཀུན་གྱི
74b2 སྔགས་རྣམས་ཀུན།། སྔགས་མཁན་མཁས་པས་བཏུ་བར་བྱ།། ཤད་དང་ཚིག་བར་མ་ནོར་བར།། གཡལ་དང་སྦྲིད་པས་བར་མ་བཅད།། གཉིད་ཆང་ལེ་ལོ་སྤངས་ལ་བྱ།། ཡང་དག་དོན་གྱི་བཟླས་པ་ཡིན།། དེ་བཞིན
74b3 གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུར་པའི་ཡང་སྙིང་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་ཡང་གསང་བའི་བདག་པོས་ཀཱི་ལ་ཡ་ལ་གསོལ་པ།
74b4 བཅོམ་ལྡན་འདས་དོན་ཐམས་ཅད་འགྲུབ་པར་བྱ་བའི་ཕྱིར། ཆོས་ཐམས་ཅད་ཀྱི་རྩ་བ་བཤད་དུ་གསོལ། བདེ་བར་གཤེགས་པས་བཤད་དུ་གསོལ། ཅེས་གསོལ་པས། བཅོམ་ལྡན་འདས་ཉིད་བདེ་བ་ཆེན་པོའི་རྒྱན
74b5 ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཞུགས་མ་ཐག་ཏུ་མི་གཡོ་བའི་སྐུར་བཞེངས་ནས་བཀའ་སྩལ་པ། ཆོས་སུ་སྣང་བའི་དངོས་པོ་ཀུན།། ཡེ་ནས་སྣང་བ་མ་ཡིན་ཏེ།། ལས་དང་བསམ་པའི་དབང
74b6 གིས་ན།། དངོས་པོ་གཅིག་ལ་སོ་སོར་མཐོང་།། གཞི་རྩ་མེད་པའི་སེམས་ཉིད་ནི།། ཆོས་རྣམས་ཀུན་གྱི་རྩ་བ་ཡིན།། ཐམས་ཅད་མེད་མཐོང་མེད་མཐོང་བ།། མཐོང་བ་མེད་ན་མཐོང་བ་ཡིན། ཁ་དོག་དབྱིབས་དང
iiif viewer powered by OpenSeadragon
