| e-texts navigator |
| Wylie |
73a1 དང་བཅས།། དེ་བཞིན་ལུགས་མཁན་མཁས་པས་ཀྱང་།། སྒྲ་ཚིལ་དག་ལ་གཟུགས་བྱས་ལ།། དཀར་པོའི་ཤིང་ལ་ཞི་བའི་གཟུགས།། རྩེ་མོ་གནམ་ལ་བསྟན་ལ་གཞག། ཕྲིན་ལས་སྔགས་ཀྱང་དེ
73a2 བཞིན་བཟླས།། ལུགས་མ་ཡང་ནི་དེ་བཞིན་ཏེ།། དེ་བཞིན་དངུལ་ལ་བྱ་བའོ།། མཛེ་མོ་གླང་གལ་དམར་པོའི་ཤིང་།། ཐམས་ཅད་དབང་དུ་བྱ་བའི་ཕྱིར།། གྲི་ཁ་དཔའ་བོའི་ངོས་སུ་བཞོག། ཟངས་སམ་འཛིན་དམར
73a3 དེ་བཞིན་ཏེ།། ལུགས་མ་མཁས་པས་དེ་བཞིན་བྱ།། ཤིར་ཤིང་ནག་པོ་ལ་སོགས་པའི།། ནག་པོ་ཚེར་མ་ཅན་གྱི་ཤིང་།། མཁས་པས་གྲི་ཁ་ཕར་བསྟན་ལ།། ས་ལྕགས་གནམ་ལྕགས་ཁྲོ་ཆུ་ལས།། མི་རྟ་མང་པོ་བསད
73a4 པ་དང་།། དེ་བཞིན་རང་ཐག་ཕལ་པའི་ལྕགས།། དེ་ནི་མགར་བ་མཁས་པས་བྱ།། གོམས་ཤིང་མཁས་པར་བསླབ་པ་ཡི།། རིགས་བཞི་བཟོ་བོས་དེ་ལྟར་བྱ།། ཞི་བ་ཤར་ལ་དབང་ནི་ནུབ།། རྒྱས་པ་ལྷོ་ལ་དྲག
73a5 པོ་བྱང་།། སློབ་དཔོན་སྔགས་མཁན་དེ་བཞིན་ནོ།། དེ་བཞིན་བཞིན་གཤེགས་པ་ཐམས་ཅད་ཀྱི་སྐྲ་དང་གསུང་དང་ཐུགས་ཀྱི་དགོངས་པ། འཇིག་རྟེན་སྣང་བྱེད་ལས། ཕུར་པ་རབ་གནས་ཀྱི་ཆོ་གའི་ལེའུ་སྟེ་བཅུ
73a6 གསུམ་པའོ།། ། དེ་ནས་ཡང་བཅོམ་ལྡན་འདས་ལ་གསང་བའི་བདག་པོས་གསོལ་པ། རྣལ་འབྱོར་ཡང་དག་བསམ་གཏན་ལས།། ཡི་དམ་རྒྱུན་དུ་བྱ་བ་དང་།། སྒྲུབ་པ་འཇུག་ཏུ་གདགས་པ་དང་།། སྔགས་ལ་ཡིད
iiif viewer powered by OpenSeadragon
