| e-texts navigator |
| Wylie |
72a1 མ་འཁོར་ལོའི་ཚུལ་དུ་བྱ།། བདེ་བ་དང་ནི་པདྨའི་བདག། དེ་ཉིད་ལས་ནི་བྱ་བ་ནི།། སྦོམ་པོ་གཉིས་ནི་བཏེགས་བྱས་ཏེ།། བཀུག་པ་དེ་ནི་རྟ་གདོང་ཕྱག་རྒྱ་སྟེ།། དངོས་གྲུབ་ཆེན་པོ་ལ་སོགས་པ།། སྐད
72a2 ཅིག་གཅིག་གིས་འགྲུབ་པའོ།། ཨོཾ་བཛྲ་བ་དྲ་བ་མུ་ཁ། ཨཱ་ཀཪྵ་ཡ། ཨཱ་ཀཪྵ་ཡ། པྲ་ཝེ་ཤ་ཡ་པྲ་ཝེ་ཤ་ཡ། བན་དྷ་ཡ། བན་དྷ་ཡ། ཏོ་ཤ་ཡ། ཏོ་ཤ་ཡ། སརྦ་བཛྲ་ཌཱཀྐི་ནཱི་ནཱཾ། ཧྲི་ད་ཡ། ཧ་ཧ། ཧི་ཧི། ཨོཾ་ཨཱཿཧཱུཾ། དཔལ་རྟ
72a3 མགྲིན་གྱི་སྔགས་དང་ཕྱག་རྒྱའོ།། རྟ་ཡི་རྒྱལ་པོའི་ས་བོན་ནི།། ཉི་མའི་དཀྱིལ་འཁོར་དབུས་གནས་ཏེ།། མཐེ་བོང་དང་ནི་སྲིན་ལག་གི། སྔགས་པས་དེ་བསྒོམ་པར་དུ་ཧྲཱིཿ། སྔགས་མཁན་ཕྱག་རྒྱ་འདི་བཏབ
72a4 ནས།། གཏོར་མ་བདག་ཉིད་བྱིན་བརླབས་ཏེ།། སྔགས་འདི་རྗེས་སུ་བརྗོད་བྱ་ཞིང་།། ཅི་བདེ་བར་ནི་གཤེགས་སུ་གསོལ།། ཨོཾ་ཨཱཿཧཱུཾ་ཨུཙྪིཥྛ་བཛྲ་ཨ་དྷི་ཏིཥྛ་མཱཾ་ཧཱུཾ་ཕཊ། སྔགས་ཀྱི་རྒྱལ་པོ་དེ་རྣམས་ཀྱིས།། མཆོད་པའི
72a5 ཆོ་ག་རྫོགས་པར་སྨྲས།། གཏོར་མའི་མཆོད་པས་ཚིམས་བྱེད་པ།། རྒྱུད་རྣམས་ཀུན་གྱི་རྒྱ་མཚོ་སྟེ།། ཏིལ་མར་ཐིགས་པས་ཀུན་ལ་ཁྱབ།། ཐམས་ཅད་ཀུན་ནས་བསྡུས་པ་འདི།། རྒྱུད་མཆོག་འདི་རུ་ང་ཡིས
72a6 སྨྲས།། རྒྱུད་རྣམས་བསྡུས་པའི་མན་ངག་འདི།། རྒྱུད་འདིའི་ནང་དུ་སྨྲས་པའོ།། ། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། རྒྱུད་ཐམས་ཅད
iiif viewer powered by OpenSeadragon
