| e-texts navigator |
| Wylie |
69b1 ཡང་དག་གནས་པ་ནི།། རང་གི་གཡོག་དང་ཡང་དག་ལྡན། ཛཿཧཱུཾ་བཾ་ཧོཿོཾ་ཀྲོ་དྷི་ཤྭ་རཱི་སརྦ་དྲ་བྱཾ་ཤོ་དྷ་ཡ་ཨཱ~ཾ་ཧཱུཾ་ཐ། སྔགས་རིག་པས་ནི་སྔགས་འདི་ཡིས།། བརྒྱ་རྩ་བརྒྱད་དུ་བཟླས་པར་བྱ།། དྲི་དང་ལྡན་པའི་ཆུ་ཉིད
69b2 ཀྱིས།། དེ་ནས་རྫས་རྣམས་བཏབ་བྱས་ལ།། རྡོ་རྗེ་ཆུ་དང་དྲི་ཆེན་པོ།། ཉི་ཟླ་དང་ནི་དམར་ཆེན་སྣོད།། དེ་ནི་སངས་རྒྱས་ལྔ་རྣམས་ཏེ།། པདྨའི་སྣོད་དུ་གཞག་པར་བྱ།། ཆུ་བདག་ས་བོན་གྱིས་སྦྱངས་ཏེ།། དེ་ལ་འདི
69b3 ལྟར་བསྒོམ་པར་བྱ། ཨོཾ་ཨཱཿཧཱུཾ་སྭཱ་ཧཱ། ས་བོན་ལྔ་པོ་ཟླ་སྟེངས་སུ།། རྣལ་འབྱོར་པ་ཡིས་ལྔ་གཞག་བྱ།། དེ་ཡི་བདུད་རྩིར་གྱུར་པ་ནི།། མུ་ཏིག་དཀར་པོ་དྲི་མེད་བཞིན།། དེ་ལ་འདི་ཡིས་བརྟག་པར་བྱ། ཁྲོ་བོའི་ས་བོན
69b4 བསམ་ཡས་ཏེ།། རྡོ་རྗེ་སྦལ་པ་མཚན་མའི་མིག། སྣོད་ཀྱི་སྟེང་དུ་གཞག་བྱས་ཏེ།། སྔགས་རིགས་སྔགས་ཀྱི་འབྲུ་འདི་ཡིས།། ཨོཾ་ཨཱཿཧཱུཾ་བཛྲ་ཨ་མྲྀ་ཏ་ཧཱུཾ་ཥཱཿརྒྱལ་པོ་པདྨས་མཚོན་པའི་ཕྱག། ས་བོན་ཟླ་བ་དབུས
69b5 གྱུར་པ།། སྦོམ་པོ་དབང་པོ་གཉིས་ཀྱི་བར།། སྔགས་རིག་པས་ནི་བསམ་བྱས་པས།། བདག་གི་ལྟར་ནི་བསྒོམ་པ་ཡིས།། དེ་ཡང་རྫས་ལ་གདབ་པར་བྱ།། རྣམ་པ་གཉིས་ཀྱི་རྫས་རྣམས་སྦྱང་།། སྙིང་པོ་ཕྱག་རྒྱ་སྔགས
69b6 ཀྱི་ལྷ།། སྤྱན་དྲང་མཆོད་པ་ཅི་རིགས་བྱ།། ཡང་དག་ཚིགས་བཅད་འདི་བརྗོད་བྱ།། སངས་རྒྱས་ཡབ་ཡུམ་སྲས་དང་བཅས།། གཉེན་དང་གཉེན་འདུན་གཡོག་འཁོར་བཅས།། འདུས་པའི་ལྷ་ཚོགས་ཀྱིས་བསྐོར
iiif viewer powered by OpenSeadragon
