| e-texts navigator |
| Wylie |
68a1 ལགས།། རིགས་ལ་སྐུ་གསུང་ཐུགས་ཀྱི་སྲས།། སྤྲུལ་པ་རྡོ་རྗེ་གཞོན་ནུ་ལགས།། མིང་ནི་དེ་ལ་ཐོགས་པ་ལགས།། དེ་ཡི་སྐུ་གསུང་ཐུགས་ཀྱི་སྲས།། འདུས་པ་གསུམ་གྱི་སྲས་མཆོག་ལགས།། མིང་ནི
68a2 དེ་ལས་ཐོགས་པ་ལགས།། དང་པོ་གྲངས་ཀྱི་རྣམ་པ་ཡང་།། གཅིག་དང་དུ་མ་བསམ་ཡས་པས།། དང་པོ་ཁོ་ན་གཅིག་ཏུ་བསྟན།། དགོས་པའི་ཆེད་དང་ཚུལ་བསྟན་ནས།། ལྔ་དང་བདུན་དང་ཉི་ཤུ་གཅིག། གསུམ
68a3 དང་བཅུ་གཅིག་དྲུག་ཅུ་བཞི།། བརྒྱད་ཅུ་ལྔ་དང་བརྒྱ་རྩ་བརྒྱད།། སྟོང་རྩ་བརྒྱད་དམ་ཁྲི་ལ་སོགས།། བྱེ་བ་དུང་ཕྱུར་ས་ཡའི་གྲངས།། སྲས་མཆོག་ཉི་ཟེར་ཤར་བ་ཡང་།། འགྲོ་བ་འདུལ་བའི་དབང་གིས་ན།། བརྗོད
68a4 ཀྱིས་མི་ལངས་གྲངས་ལས་འདས།། རྟོག་གེ་པ་ནི་རྨོངས་པའི་ཕྱིར།། བརྗོད་དུ་མེད་པ་ང་ཡིས་སྨྲ།། དགོས་པ་དང་ནི་དགོངས་པ་དང་།། མཚོན་པ་དང་ནི་ལྷ་རྣམས་དག། འབྲེལ་བ་དང་ནི་འབྲེལ་བྱེད་ཀྱིས།། དགོས
68a5 ཆེད་གྲངས་ཀྱི་ཚུལ་དང་ནི།། བརྡེག་པའི་དམིགས་ལ་དགོངས་པའོ།། དངོས་ཀྱི་མཚན་ཉིད་འདི་ལྟ་སྟེ།། སྟོད་ནི་ཁྲོ་བོ་ཆེན་པོ་ལ།། སྨད་ནི་སོ་སོའི་དཔལ་དང་ལྡན།། བྲང་གིས་འགྲོ་བ་ཆེན་པོ་ཡིས།། ལྷ་དང་ཚིགས
68a6 ནི་བརྒྱན་པ་སྟེ།། ཕུར་པས་འདེབས་ཤིང་ཐོ་བས་བརྡེག། ཞེ་སྡང་རང་ག་མ་དང་ལྡན།། དེ་ནི་དངོས་ཀྱི་མཚན་ཉིད་དོ།། ཡང་བཀའ་སྩལ་པ།། རྐྱེན་ནི་ཧཱུཾ་ལས་བྱུང་བ་སྟེ།། དེ་ཡི་རྒྱན་ཡང་ཀཱི་ལ་ཡ།། ཀཱི་ལ་ཡ་ཡི
iiif viewer powered by OpenSeadragon
