| e-texts navigator |
| Wylie |
67b1 ལ་ནི་སྒོ་སྲུང་སྟེ།། ཤྭ་ན་གཡས་ལ་རེ་ཏི་གཡོན།། དབུས་སུ་སྲིན་མོ་དགོད་པར་བྱ།། ལྕགས་རི་ལ་ནི་དབང་ཕྱུག་མ།། བསྣོལ་ཏེ་རྡོ་རྗེའི་འགྲོས་སུ་དགོད།། ཅེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ
67b2 དང་གསུང་དང་ཐུགས་སྣང་བ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། འཁོར་ལོ་རྩིབས་བཅུ་པའི་མཎྜལ་བསྟན་པའི་ལེའུ་སྟེ་བཅུ་པའོ།། །། དེ་ནས་ཡང་གསང་བའི་བདག་པོས་གསོལ་པ།། ཀྱེ་ཀྱེ་བཅོམ་ལྡན་རྗེ
67b3 བཙུན་ཀུན་གྱི་རྗེ།། གདུག་པ་རྣམ་གཉིས་བསྒྲལ་བ་དང་།། ང་རྒྱལ་དྲེགས་པ་གཞོམ་པའི་ཕྱིར།། རྣོ་དཔལ་ཕུར་བ་སྲས་ཀྱི་མཆོག། རྣམ་གྲངས་དུ་ཡོད་བཤད་དུ་གསོལ།། ཀཱི་ལ་ཡ་ཡིས་བཀའ་སྩལ་པ།། ང་རྒྱལ་དྲག
67b4 པོ་མཚོན་གྱིས་གཞོམ།། ཕུར་པ་ལྷ་རུ་བྱས་པ་སྟེ།། བྱུག་པ་གསུམ་གྱིས་ངར་ཡང་བླུད།། བདུག་པ་གསུམ་གྱིས་དཔལ་ཡང་བསྐྱེད།། དེ་ལྟ་བུ་ཡི་སྲས་མཆོག་ནི།། གྲངས་སུ་བགྲང་བར་མི་བྱ་སྟེ།། གཅིག་དང་དུ་མ་ཁོ
67b5 ནའོ།། ཡང་གསོལ་པ། བཅོམ་ལྡན་འདས་མིང་ནི་གང་ལ་ཐོགས་པ་ལགས། གྲངས་ནི་རྣམ་པ་དུ་ཙམ་ཡོད།། དགོས་ཆེད་ཅི་ཡི་དོན་དུ་བྱུང་།། དངོས་ཀྱི་མཚན་ཉིད་ཇི་ལྟ་བུ།། ཞེས་གསོལ་ཏོ།། བཀའ་སྩལ
67b6 པ།། དབྱིངས་དང་ཡེ་ཤེས་གཉིས་མེད་ལས།། སྲས་ཀྱི་མཆོག་ནི་སྟོན་པ་བྱུང་།། མིང་ནི་དེ་ལས་ཐོགས་པ་ལགས།། ཀུན་ཏུ་བཟང་པོ་ཡབ་ཡུམ་ལས།། སྲས་ཀྱི་མཆོག་ཏུ་རིགས་ལྔ་འབྱུང་།། མིང་ནི་དེ་ལས་ཐོགས་པ
iiif viewer powered by OpenSeadragon
