| e-texts navigator |
| Wylie |
67a1 ཡི་རྒྱ་ཡིས་བཅད།། ཐིག་ནི་རྣམ་པ་བདུན་བཏབ་པ།། ཕྱེད་ལ་ཕོ་བྲང་རབ་བྱས་ཏེ།། བྱང་ནས་ལྷོ་རུ་དྲངས་ནས་ནི།། དེ་ལ་རེའུ་ཆ་དགུ་རུ་དགོད།། རེའུ་ཆ་གཅིག་ནི་ལྟེ་བའི་ཚད།། དེ་ཕྱེད་ཀུན་ཏུ
67a2 བསྐོར་བ་ནི།། འཁོར་ལོ་རྩིབས་བཅུའི་ཐིག་ཏུ་འགྱུར།། དེ་བཞིན་མུ་ཁྱུད་དེ་བཞིན་བསྐོར།། དེ་ཡི་དབུས་ཀྱི་ཕོ་བྲང་ལ།། ཐོད་པ་གསུམ་གྱིས་བསྐོར་བར་བྱ།། མུ་འཁྱུད་རྡོ་རྗེའི་ར་བ་སྟེ།། ས་མཆོག་ཕྱེ་མར་བཏགས
67a3 པ་ལ།། ནག་པོའི་ཚོན་གྱིས་བསྒྱུར་བ་ཡིས།། འཁོར་ལོ་ཐམས་ཅད་མཐིང་གར་བྱ།། དེ་བཞིན་རྩིབས་ཀྱང་ནག་པོར་བྱ།། གྲུ་ཆད་ལྗང་གུའི་ཕྱི་རོལ་དུ།། ཐོད་པའི་ཕྲེང་བ་བཏང་བར་བྱ།། དེ་ཡི་ཕྱི་རིམ་དམར་པོ
67a4 ལ།། ཐིག་ལེ་ཐིག་ལེ་མང་དུ་བྱ།། དེ་ཡི་ཕྱིར་རིམ་སྒོ་ཁྱམས་ལ།། ཀེང་རུས་སྐམ་པོ་སྤེལ་མར་བཀོད།། དེ་ཡི་ཕྱིར་རིམ་ལྕགས་རི་ལ།། མེ་རི་ཧོམ་གྱི་ཐབ་ཏུ་བྱ།། དེ་ནས་ལྷ་དགོད་འདི་གསུངས་སོ།། ཕོ་བྲང་གྲུ་གསུམ
67a5 པོ་ལ།། ཐབས་ཆེན་བདུད་འདུལ་ཡབ་ཡུམ་དགོད།། ཟླ་གམ་གསུམ་ལ་སྲས་གསུམ་པོ།། བྱིན་བརླབ་དབང་བསྐུར་བྱས་ལ་དགོད།། ཤར་དུ་རྣམ་པར་རྒྱལ་བ་སྟེ།། རིམ་པ་བཞིན་དུ་རྒྱས་པར་དགོད།། སྟོབས་པོ
67a6 ཆེ་དང་ཧཱུཾ་ཀཱ་ར།། ཤར་སྟོད་ནུབ་སྨད་གཉིས་སུ་དགོད།། ཕྲ་མེན་འཁོར་ལོའི་རྩིབས་ཀྱི་ཕྱིར།། ཟླ་གམ་བཅུ་ལ་དགོད་པར་བྱ།། བར་ཁྱམས་ཐིག་ལེའི་སྟེང་ཉིད་དུ།། བཟློག་ཕུར་བཅུ་དྲུག་དགོད་པར་བྱ།། སྒོ་ཁྱམས
iiif viewer powered by OpenSeadragon
