| e-texts navigator |
| Wylie |
66b1 མཆོག། རྟོགས་ཚད་འདུལ་བ་དྲི་བའི་མཆོག། མཁས་པ་དགའ་བ་སྤྱད་པའི་ཕྱིར།། དོན་བཞི་ང་ཡིས་བཤད་ཀྱིས་ཉོན།། རྒྱུ་ནི་དབྱིངས་ཀྱི་མཚན་ཉིད་དག། རྐྱེན་ནི་ཡེ་ཤེས་བྱེ་བྲག་ཡིན།། དེ་ནི་ཕུར་པའི་རྒྱུ་རུ
66b2 གྲགས།། ཚད་ནི་ཕྲིན་ལས་རྣམ་བཞི་སྟེ།། སངས་རྒྱས་ཕྲིན་ལས་དེ་ལས་མེད།། དོན་ནི་བསྡུ་བ་རྣམ་པ་བཞི།། དེ་ཡི་ནང་དུ་འདུས་པ་ཡིན།། དབྱིབས་ནི་གཞལ་ཡས་རྒྱ་མདུད་སྟེ།། ཚད་མེད་བཞི་ཡི་སྒོ་བཞིར
66b3 བསྟན།། ཕྱོགས་བཞི་མཚམས་བཞི་ལྡུམ་གཞོག་བརྒྱད།། རྣམ་ཐར་གསུང་ནི་རྩེ་མོ་ཡིན།། གྲངས་ནི་བདེན་པའི་བྱེ་བྲག་སྟེ།། དེ་ཁོ་ཉིད་དང་དེ་བཞིན་ཉིད།། ནམ་མཁའི་ཐ་སྙད་དཔེ་དང་འདྲ།། དེ་བཞིན་གཤེགས
66b4 པ་ཐམས་ཅད་ཀྱི་སྐུ་དང་གསུང་དང་ཐུགས་སྣང་བ་སྟེ། རྒྱུད་ཀྱི་རྒྱལ་པོ་འཇིག་རྟེན་སྣང་བྱེད་ལས། ཐེག་པ་ཐམས་ཅད་ཀྱི་དོན་བསྟན་པ་དང་། དོན་དམ་པའི་ཕུར་པའི་བྱེ་བྲག་བསྟན་པའི་ལེའུ་སྟེ་དགུ་པའོ།། ། དེ
66b5 ནས་ཡང་གསང་བའི་བདག་པོས་གསོལ་པ། ཀྱེ་བཅོམ་ལྡན་འདས་ཁྲོ་བོའི་གདན་ནི་ངེས་པའི་ཕྱིར།། འཁོར་ལོའི་རྩིབས་ནི་བཅུ་པ་ཡིན།། ཐིག་གི་བྱེ་བྲག་བསྟན་པ་དང་།། ལྷ་ཡི་བྱེ་བྲག་བསྟན་དུ་གསོལ།། ཅེས་པས
66b6 ཀི་ལ་ཡ་ཆེན་པོ་དེ་ཕྱག་རྒྱ་ཡེ་ཤེས་ཀྱི་དཀྱིལ་འཁོར་ལ་སྙོམས་པར་ཞུགས་སོ།། དེར་ཞུགས་མ་ཐག་ཏུ་ཕྱག་རྒྱ་ཆེན་པོའི་སྐུར་བཞེངས་ནས་བཀའ་སྩལ་པ།། དཀྱིལ་འཁོར་སྔགས་མ་བཞིན་བཞེངས་ལ།། དེས་ཀྱང་དེ
iiif viewer powered by OpenSeadragon
